Léon Bollack

Léon Bollack

Moted:	4 mayul 1859, 1859 Paris
Deadam:	23 setul 1925 Paris
Cal(s):	tedan[*], hivönapükavan[*]

Hiel Léon Bollack (1859 mayul 4 tö Paris – 1925 setul 23 tö Paris) äbinom tedan Fransänik, sevädik as datuvan püka ela Bolak.

Lifajenäd

El Bollack pämotom tö Paris. Pals omik äbinons hiel Hermann Bollack di Kreuznach in Rinän⸗Palzän ed jiel Rachel Léon Amélie Picard. Ävedom liegik as strutaplümatedan. Ün yel 1899 el Bollack äjafom yufapüki bevünetik, eli ,Bolak’ ü ,Pük blövik’. Dü yels ömik äfopladom püki okik, dö kel äpübom bukis lul vü 1899 e 1902; proyeki gudiküno älasumons läx⸗Volapükans. Too, el Bollack latikum ävedom slopan ela Ido, fomama perevidöl Sperantapüka. Mögos, das köl blövik stäna ela Ido ebinon mob omik. Äsagom seimüpo, das „poedans Sperantapüka e Volapüka digädons baliko ad pakofön.”

Hiel H.G. Wells ämäniotom eli Bollack in buk okik tiädü ,A Modern Utopia’ (Yutopalän nulädik) de yel 1905.

Pübots

• La Langue Bleue Bolak: langue internationale pratique, Paris: 1899.
• Abridged grammar of the Blue Language [translated by Tischer], Paris: Pres. Dupont, 1900.
• Premier vocabulaire de la langue bleue Bolak, Paris: 1902.
• Comment tuer la guerre - La loi mondiale de boycottage douanier. Rapport. Paris, 1912.
• L'emploi rationnel de la plume des oiseaux sauvages. Réglementation, oui ; prohibition, non. Publ. du. Comite d’Ornithologie Economique, 1914.
• "La Langue Française en l'an 2003", en La Revue, 15 Juillet, 1903.