Open main menu

Jan van Steenbergen

Jan van Steenbergen
Nieuwjaarsbijeenkomst Wikimedia Nederland 21 januari 2017 Museum Volkenkunde Leiden (27).jpg
Moted: Johannes Hendrik van Steenbergen
3 yunul 1970
Hoorn[*]
Cal(s): poedan[*], higasediman[*], hitradutan[*], datuvan mekavapüka(s)[*]
Tatät(s): Regän Nedäna[*]
Matan(s): unknown value
Resodatoped calöfik: http://steen.free.fr

Hiel Jan van Steenbergen (pemotöl tü 1970 yunul 3 in Hoorn) binom pükavan, gasediman, tradutan e nätäpretan Nedänik. Binom datuvan mekavapükas ömik, bevü votiks: Bevüslavapüka e Venedänapüka. Palecedom as balan datuvanas lelogädikün mekavapükas natimik.[1][2]

LifajenädRedakön

Estudom pö nivers tö Amsterdam e Warszawa, kö äpatädodilom oki pro Lofüda-Yuropav, Slavapükav e musigav. Sis 1997 vobom as tradutan e nätäpretan Polänik-Nedänik.

Ün yel 1996 äprimom ad bevobön magälöfiki püki nolüda-Slavik: eli ,Vuozgašchai’ (Vozgiänapük). Ün 2002 edatuvom püki votik: eli ,Wenedyk’ (Venedänapük), kel binon mag, lio logodonöv Polänapük if binonöv pük romenik peflunöl fa Pöpa-Latänapük. Bofiks plenons rouli in jenotem ediföl tiädü ,Ill Bethisad’, pö kel kompenom sis 2002. Ün yel 2006 el Van Steenbergen äbinom balan primätanas püka vala-Slavik, ela ,Slovianski’ (Slavapük), kel latikumo pevotanemükon ini Bevüslavapük po koboyumäd ko proyek votik, Nula-Slavapük nünömavana Tsyegänik: hiela Vojtěch Merunka. Binom i dugan cifapada e vödabuka leäktronik Bevüslavika. Sis 2016 binom vipresidan Soga pro pükijaf.[3]

Ün novul 2013 egetom köni nemü ,Josef Dobrovský’ pro keblünots okik kulive e nolave Slavik.[4] Ün yunul 2018 egetom i köni ,Vöd Lifik’ de Fünod nemü ,Hovanski’.[5]

El Van Steenbergen lödom in zif IJmuiden, matom e labom cilis kil.

NoetsRedakön

  1. Lifajenäd brefik
  2. David J. Peterson, The Languages of Ice and Fire, in Mastering the Game of thrones : essays on George R.R. Martin's A song of ice and fire / edited by Jes Battis and Susan Johnston (2015). ISBN 978-0-7864-9631-0. p. 16.
  3. Conlang.org
  4. Ceremonijalne zasědanije prezidija ČMSS v Pragě
  5. В Южноморавском крае прошли традиционные славянские фестивали. On36.ru, 2018, yunul 17id.

Yüms plödikRedakön