Lafab Vöna⸗Pärmik

Lafab Vöna⸗Pärmik (pesevöl id äs ,Abur’ (Abur pelda.png) ü ,Anbur’) binon penät zänodatimädik pägeböl pro Komiy⸗Süryenapük de tumyel 13id jü tumyel 17id. Nem püka pestabon su tonats tel balid lafaba at, «an» e «bur».

El ,Stefan Pärmik’ su veg lü Moskav.
Doküm pepenöl me lafab Vöna⸗Pärmik
Mäk büik Vükipeda Süryenapükik.

Eli ,Abur’ äjafom kleudan (ed otimo i saludan): hiel ,Stepan Hrap’, luveratiko in zifil ,Velikiy Ustyug’ pimotöl äs son fata Rusänik e mota Süryenik. Ün yel 1380 el ,Stepan’ äfünom zifi ,Ust-Vüm’, se kel äbumom glügi balid su lifaziläk Komiyanas ed äprimom ad kritön paganefi topik. Plas äleleicom lödanefi paganik me Latin, Grikänapük u Vöna⸗Slavapük, el ,Stefan’ äprimön lärnön Süryenapüki ed ädäsinom penäti lönik pelönedüköl ad fonet ona. Lafab ela ,Stefan’ pästabon libiko su lafab kirilik e lafab Grikänik, ab i su malats raunik Vöna⸗Pärmiks. Danädü el ,Stefan’ Süryenapük ävedon balid pük Luralänik papenöl, pos Macaränapük, ab luniko bü Suomiyänapük.

Lafab Vöna⸗Pärmik pägebon ad penön Süryenapüki jü tumyel 17id, kü lekredanasedäbs Rusänik änüdugoms lafabi kirilik, ab latikumo ye pägebon lunomiko, b.v. fa poedan: hiel ,Ivan Kuratov’. Dubä penät at no äbinon vemo benosevädik, ün tumyels 15id e 16id pägebon id as jüf Rusänapüka.

Tonats lafaba Vöna⸗PärmikRedakön

Tonat Kiriliko Nem LFB Küpets
  𐍐 а an (ан) [a]
  𐍑 б bur (бур) [b]
  𐍒 г gai (гай) [ɡ]
  𐍓 д, ԁ[1] doi (дой) [d]
  𐍔 е, э e (э) [e]
  𐍕 ж zhoi (жой) [ʒ]
  𐍖 дж, җ[1] dzhoi (ӡ̌ой) []
  𐍗 з zata (зата) [z]
  𐍘 дз, ԅ[1] dzita (ӡ'ита) [ʣʲ]
  𐍙 і, и, й, ј[1] i (и) [i,j]
  𐍚 к koke (кокэ) [k]
  𐍛 л lei (лэй) [l]
  𐍜 м menoe (мэнӧ) [m]
  𐍝 н nenoe (нэнӧ) [n]
  𐍞 о vooi (во̂й) [o]
  𐍟 п peei (пэ̂й) [p]
  𐍠 р rei (рэй) [r]
  𐍡 с sii (сий) [s]
  𐍢 т tai (тай) [t]
  𐍣 у u (у) [u]
  𐍤 ч chery (чэры) [ʦʲ]
  𐍥 ш shooi (шо̂й) [ʃ]
  𐍦 тш, щ[1] shchooi []
  𐍧 ы yry (ыры) [ɨ]
  𐍨 ы yeru [ɨ]
  𐍩 о o (о,ӧ) [o, ə]
  𐍪 о oo (о, ӧ) [o, oː]
  𐍫 ф ef [f] in bastaravöds.
  𐍬 х ha [x] in bastaravöds.
  𐍭 ц tsiu (цю) [ʦ] in bastaravöds.
  𐍮 в ver (вэр) [v] in bastaravöds.
  𐍯 ъ yer [-] in bastaravöds.
  𐍰 ь yeri [ʲ] in bastaravöds.
  𐍱 э yat (ять) [e] in bastaravöds.
  𐍲 йэ ie (йэ) [ie] in bastaravöds.
  𐍳 ю yu (ю,йу) [ju] in bastaravöds.
  𐍴 я (ꙗ) ya (я,йа) [ja] in bastaravöds.
  𐍵 я (ѧ) ia (йа) [ia] in bastaravöds.

NoetRedakön

  1. 1.0 1.1 1.2 1.3 1.4 In lafab hiela ,Molodzov’, pägeböl ün degyels 1920 e 1930.