Volodümür Jcärbüzküy

Volodümür Jcärbüzküy
Moted: 17 febul 1918
Verkhnodniprovsk[*]
Deadam: 16 febul 1990
Feofaniya Clinical Hospital[*]
Deadamakod: luegaflamat[*]
Cal(s): hibolitan[*]
Tatät(s): Pöparepüblik Lukrayänik[*], Sovyätarepüblik Sogädimik Lukrayänik[*], Sovyätabalatam
Matan(s): Ariadne Scherbitsky[*]
Dispenäd:

Hiel ‚Volodümür Vasülyovüc Jcärbüzküy’ (Lukrayänapüko: ‚Володимир Васильович Щербицький’) (pemotöl in ‚Värhnyodniprovsk’ tü 1918, febula d. 17id; edeadöl in ‚Küyiv’ tü 1990, febula d. 16id) äbinom bolitan Lukrayänik. As sekretan balid paleta kobädimik Lukrayäna dü yels 1972–1989 äbinom pösod veütikün in Sovyätarepüblik sogädimik Lukrayänik.

Lifajenäd redakön

Ästudom in zif Dnäpropetrovsk pö stitod kiemavik⸗kaenavik ed äfistudom ün 1941. Poso ävobom as kaenal. Ün 1955 ävedom sekretan balid paleta kobädimik Lukrayäna (ela ‚K.P.U.’), kel äbinon diläd paleta kobädimik Sovyätabalatama (ela ‚K.P.S.S.’), in provin Dnäpropetrovsk. Ün 1957 ävedom paletasekretan ela ‚K.P.U.’, ün 1971 liman bolitabüra ela ‚K.P.S.S.’. Dü yels ot äbinom depütäb in sovyät löpikün Lukrayäna, ä sis 1958 depütäb in sovyät löpikün Sovyätabalatama.

Dü yels 1961–1963 e 1965–1972 el ‚Jcärbüzküy’ äbinom reiganefapresidan Sovyätarepüblika sogädimik Lukrayänik. Pos necäl hiela ‚Petro Jeläst’ as sekretan balid ela ‚K.P.U.’ ün yel: 1972 ‹ el ‚Jcärbüzküy’ äsökätom omi. Kludo ‚Jcärbüzküy’ ävedom pösod nämädikün ä veütikün in sovyätarepüblik at.

Äbinom kompenan fiedik dugana sovyätik: hiela ‚Leonid Bräȷnäv’. Dü reigatim oma dunamod Rusänama pävemükon e taans guvanefa päpöjütons seväriko. Primätü om Rusänapük ävedon dakosädapük balik paleta⸗ ä tataparata lölik in Lukrayän. Too äbegom i fluni oka ad jelodön demädis konömik Lukrayäna ninü Sovyätabalatam. Do el ,Jcärbüzküy’ äslopom lovesumi hiela ‚Miqail Gorbacov’ ün yel: 1985, äbinom taan gretik votastidas demokratik. Du in Rusän ed in tats baltik pöpafronts äbitikons, Lukrayän äblebon rampar dakipiälima. Ägididom demü klänäd lunik katastrofa in el ‚Cärnobül’.

Ün setul 1989 änecalikom as sekretan balid ela ‚K.P.U.’, calöfiko kodü saun oma, e päsökätom fa hiel ‚Volodümür Ivajko’. Ädeadom latikumo mö muls lul. El ,Jcärbüzküy’ älabom soni bal e dauti bal.

 
Hiel ‚Jcärbüzküy’ ko jiel ‚Indira Gandhi’ in ‚Küyiv’ ün 1982.
Dugans Lukrayäna sis yel 1917
  Pöparepüblik Lukrayänik Presidan zänacäma: Müqaylo Hrujävsküy (1917-1918)
  Tat Lukrayänik El ,hetman’: Pavlo Skoropadsküy (1918)
  Pöparepüblik Lukrayänik Cifs dilekanefa: Volodümür Vünnücänko (1918-1919)Sümon Pätlyura (1919-1920)
  Pöparepüblik Vesüda⸗Lukrayänik Presidal: Yävhän Petrujevüc (1918-1919)
  Sovyätarepüblik Sogädimik Lukrayänik Lesekretans ü sekretans balid Paleta Kobädimik Lukrayäna: Yuriy Pyatakov (1919)Stanislav Kosior (1919-1920)Vyaceslav Molotov (1920-1921)Feliks Kon (1921)Dmütro Manuyilsküy (1921-1923)Emanuyil Kviring (1923-1925)Lasar Kaganovic (1925-1928)Stanislav Kosior (1928-1938)Nikita Qrujcov (1938-1947)Lasar Kaganovic (1947)Nikita Qrujcov (1947-1949)Leonid Mälnikov (1949-1953)Olexiy Kürücänko (1953-1957)Mükola Pidhornüy (1957-1963)Petro Jeläst (1963-1972)Volodümür Jcärbüzküy (1972-1989)Volodümür Ivajko (1989-1990)Stanislav Huränko (1990-1991)
  Lukrayän nesumätik Cif tataguvanefa: Yaroslav Stäzko (1941)
  Lukrayän nensekidik Presidals: Leonid Kravcuk (1991-1994)Leonid Kucma (1994-2005)Viktor Yujcänko (2005-2010)Viktor Yanukovüc (2010-2014)Olexandr Turcünov (2014)Petro Porojänko (2014-2019)Volodümür Selänsküy (sis 2019)