Spinosauridae

iSpinosaurids
Spinosaurids difik.
Dakipastad
Edadeadöl (fösil)
Dadiläd nolavik
Regnum: Animalia Phylum: Chordata Classis: Sauropsida Ordo: Saurischia Subordo: Theropoda Superfamilia: Megalosauroidea Familia: Spinosauridae Stromer, 1915
Subfamilies
Spinosaurinae Stromer, 1915 Baryonychinae Charig & Milner, 1986

Elafs Spinosauridae fomons famüli dinosauras nekösömik grupa Theropoda. Limafs famüla at äbinons nomiko gretiks, ägolons telfuto, ed äyagons me krans yunik krokodöfik labü tuts kounafomik. Tuts föfik äklienons plödio, kelos ägivons nimes at logoti kaladik. Nem grupa at mänioton binodi sailafomik vemo logädiki, kel patuvon su bäk bidas pu anikas. Geb saila at nog padöbaton, ab ma pläns popätik ba pägebon as vamotinomükian, ud ad mojeikön tatakafis mögik.

Els Spinosauridae valik äpubons dü Kretat e, klülädü seled fösilas, neai ämödikons vemo. Fösils onsik petuvons in Frikop, Yurop, Sulüda-Merop e Siyop.

Famülajenav

Famül: Spinosauridae pänemon fa hiel Ernst Stromer ün 1915 pro el genus teik: Spinosaurus. Famül pägretükumon, posä röletafs nilik elafa Spinosaurus pätüvons. Miedet kladimik balid elas Spinosauridae pägivon fa hiel Paul Sereno ün 1998 („Elafs Spinosauridae valiks, kels binons nilikum ele Spinosaurus, ka ele Torvosaurus.“)

Grup elas Spinosauridae keninükon donafamülis tel: elafs Spinosaurinae ed elafs Baryonychinae. Donafamül: Spinosaurinae pänemon fa el Sereno ün 1998 e pämiedeton fa Holtz et al. (2004) as: „valikafs, kels binons nilikum elafe Spinosaurus aegyptiacus ka elafe Baryonyx walkeri“. Donafamül: Baryonychinae pänemon fa els Alan J. Charig ed Angela C. Milner ün 1986. Ämobons donafamüli at, ed i famüli Baryonychidae, pro el genus nulik: Baryonyx, büä päpladon vü els Spinosauridae. Donafamül onsik pämiedeton fa el Holtz et al. ün 2004 as „valikafs, kels binons nilikum ele Baryonyx walkeri ka ele Spinosaurus aegyptiacus.“

Dadiläd

• Superfamilia Megalosauroidea
  • Familia Spinosauridae
    • ?Asiamericana
    • Camarillasaurus
    • Iberospinus
    • ?Ostafrikasaurus
    • Sinopliosaurus [sic] fusuiensis
    • Vallibonavenatrix
    • "Vectispinus" (nomen nudum)
    • Subfamilia Baryonychinae
      • Baryonyx
      • Cristatusaurus (=Baryonyx?)
      • Protathlitis
      • Suchosaurus (=Baryonyx?)
      • ?"Weenyonyx" (nomen nudum; =Baryonyx?)
      • Cladus Ceratosuchopsini
        • Ceratosuchops
        • Riparovenator
        • Suchomimus
    • Subfamilia Spinosaurinae
      • Angaturama (=Irritator?)
      • Ichthyovenator
      • Irritator
      • Oxalaia (=Spinosaurus?)
      • Siamosaurus
      • Tribus Spinosaurini
        • Sigilmassasaurus (=Spinosaurus?)
        • Spinosaurus

Fid

Klülabots petüvöl jonons, das els Spinosauridae äfidon fiti, ed i nimis smalik e zänoda-gretikis votikis, keninükamü dinosaurs smalik. El Baryonyx pätuvon labü in stomäg onik fitategüls e boms pidicetöl elafa Iguanodon yunik. Bal fösilas ela Spinosaurus älabon fitabomi in kran okik, in plad tuta bal, e dabinon sam bal pterosaura fa balaf elas Spinosauridae päfidöla (Buffetaut et al., 2004).

Literat

• Buffetaut, E., D. Martill & F. Escuillié. 2004. Pterosaurs as part of a spinosaur diet. Nature, nüm: 430, pad: 33.