Angaturama
| iAngaturama
Timäd fösilik: prim Kretata
| ||||||||||||||||
|---|---|---|---|---|---|---|---|---|---|---|---|---|---|---|---|---|
 | ||||||||||||||||
| Dadiläd nolavik | ||||||||||||||||
| ||||||||||||||||
| Angaturama limai Kellner & Campos, 1996 |
Elaf Angaturama ([ˌaŋɡatuˈɾama], vöd se pük famüla: Tupi, labü sinif: „nobik, kuradik“) binon dinosaur grupa Theropoda famüla Spinosauridae) prima Kretata, pätuvöl in Fomam di Santana in Nolüda-Vesüd Brasiläna. Fösil bida patedik pätüvon in zemaston e binädon me dil föfik no lölöfik krana. Bepenam bida nulik at fa hiels Alexander W. A. Kellner e Diogenes de A. Campos päpübon ün febul yela 1996. Pänemon me vöd: angaturama, nem lanala jelälik in kuliv rigik pöpa: Tupi se Brasilän, ed i me nem fösilavana: Murilo R. de Lima, kel änünom ele Kellner dö fösil at ün 1991. El Angaturama labon as patöfs kaladik kobopedami vemik snuda, ed i krästi sagitalik (fom no sevädik) su fomaxüls. Luveratiko äfidon fitis.
El Angaturama päbepenon rigiko as „fösil balid dinosaurakrana se Brasilän pebepenöl“. Du yeged, kel äbepenon eli Angaturama, ästebedon pübi, kran votik dinosaura Brasilänik famüla Spinosauridae päbepenon as elaf Irritator e päpübon. Fösilavans mödik niludons, das els Angaturama ed Irritator äbinons dinosaur ot, ön jenet kelik nem: Irritator labon büogitäti.
Literat
redakön- Kellner, A.W.A. & D.A. Campos, 1996. First Early Cretaceous dinosaur from Brazil with comments on Spinosauridae. N. Jb. Geol. Paläont. Abh. 199 (2): 151-166.