Qärson (provin)

Provin: ‚Qärson’ (Lukrayänapüko: ‚Херсонська область’) ü ‚Qärsonjcüna’ (‚Херсонщина’) binon bal provinas teldegfol Lukrayäna. Topon in sulüda⸗Lukrayän pö flans bofik flumeda: ‚Dnipro’, nolüdü el ‚Krüm’. Sürfat onik binon kvadamilmets 28·461. Ma täxet yela: 2022 ‹ lödanef onik äbinädon me mens 1·001·598.^[1] Cifazif provina binon ‚Qärson’, topöl len vesüdajol ela ‚Dnipro’.

Qärson

Херсон

Stän

Sköt

Topam in Lukrayän.

Provin Lukrayäna

Cifazif

Kherson[*]

Lödanef

1,001,598

Surfät

28,461 kvadamilmet

ISO 3166-2

UA-65

Resodatoped

https://khoda.gov.ua/

Jenotem

Ün 1802 provin: ‚Qärson’ ‹ päfunon as ‚gubärniya’ (= provin) lampöräna Rusänik; bü yel et äbinädon lü provin: ‚Nikolayäv’ (Rus.) ü ‚Mükolayiv’ (Lukr.). Pos volakrig balid äbinon provin Pöparepüblika Lukrayänik ä poso Sovyätarepüblika sogädimik Lukrayänik.

Provin ‚Qärson’ pävotanemon ad provin: ‚Mükolayiv’ ‹ in 2021 ed pälüükon lü provin: ‚Odässa’ ün 1922. Ün degyel telid provin: ‚Odässa’ pädilön ini els ‚okruhy’ mäl.

Pos volakrig telid, tü del 1944 mäzul 30^id, el provin: ‚Qärson’ ‹ pävotafünon as provin (‚oblast’) sovyätarepüblika: Lukrayän.^[2] In el ‚referendum’ tü 1991, dekula 1^id 90,13% belödanas provina ävögodon pro nesekid Lukrayäna.^[3]

Sekü nüdrän Rusäna ini Lukrayän ün 2022 milit Rusänik äkoupon mödadili provina. De setula, d. 23^id jü 27^id koupans änoganükons eli ‚referendum’ negitöfik tefü „nesekid de Lukrayän e nüükam posik ini Fed Rusänik”. Tü del 29^id setula Rusän calöfiko älobülon nesekida ela ‚Qärson’ e poso mö del bal presidal Rusänik: ‚Putin’ ‹ ädispenon dalebüdi tefü lüükam ona lü Rusän, do Rusän no äbemaston ziläki lölöfik ona.^[4] Tü del 9^id novula zif: ‚Qärson’ ‹ e ziläk züik pälibükons fa milit Lukrayänik, ab nedetajol äblebon ön koup Rusäna.

Lödanef

Ün yel: 2001 ‹ lödanef provina: ‚Qärson’ ‹ äbinädon me mens 1172,7 mils, vü kels 82,0% äbinons Lukrayänans, 14,1% Rusänans, 0,7% Vieta⸗Rusänans, 0,5% tatarans, 0,4% Armenänans, 0,4% Moldavänans, 0,3% Turkänans e 0,2% tatarans di ‚Krüm’.^[5]

Ün yel ot 73,2% belödanas älabon Ukrayänapüki as motapük, 24,9% Rusänapüki, e 1,8% püki votik.^[6]

Zifs in provin: ‚Qärson’

In provin: ‚Qärson’ ‹ zifs zül topons, sevabo:

Sköt	Stän	Nem	Lödanef (2020)^[7]	Fünayel	Magod
Sköt ela ,Qärson’	Stän ela ,Qärson’	Qärson (Херсон)	286·958	1778	Konsälöp vönädik.
Sköt ela ,Nova Kaqovka’	Stän ela ,Nova Kaqovka’	Nova Kaqovka (Нова Каховка)	45·422	28 febul 1952
Sköt ela ,Kaqovka’	Stän ela ,Kaqovka’	Kaqovka (Каховка)	35·795	1791	Magot hiela ‚M.F. Frunse’.
Sköt ela ,Oläjkü’		Oläjkü (Олешки, Алёшки)	24·520		Piad zänik.
Sköt ela ,Henicäsk’	Stän ela ,Henicäsk’	Henicäsk (Генічеськ)	19·424	1784	Mel di ‚Azov’.
Sköt ela ,Skadovsk’	Stän ela ,Skadovsk’	Skadovsk (Скадовськ)	17·640	1894
Sköt ela ,Hola Prüstan’	Stän ela ,Hola Prüstan’	Hola Prüstan (Гола Пристань)	13·971	1786
Sköt ela ,Berüslav’	Stän ela ,Berüslav’	Berüslav (Берислав)	12·250	1784	Glüg stimü nügol saludik.
Sköt ela ,Tavriysk’	Stän ela ,Tavriysk’	Tavriysk (Таврійськ)	10·360	1983