Prognathodon
| iPrognathodon
Timäd fösilik: fin Kretata
| ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 Elaf Prognathodon saturator.
| ||||||||||||||||||
|
Edadeadöl (fösil)
| ||||||||||||||||||
| Dadiläd nolavik | ||||||||||||||||||
| ||||||||||||||||||
Species
| ||||||||||||||||||
|
Elaf Prognathodon binon el genus edadeadöl melalasära, kel äduton lü famül mosasauras. Nem onik (siämü „tut fomaxüla“) päkodon fa tuts föfio päflegöls oniks in löpamaxül. Älabon maxülis tefädiko brefikis ä vetikis, äsi snudi no tipiki (distü mosasaurs mödikün). Älabon bomalinis jelöfik zu logakevs okik, kelos tikodükon, das älifon in vat dibik.
Vestigans nomiko elelogons eli Prognathodon limafi lufamüla: Plioplatecarpinae, ab a. s. el Bell (1997) äpladon oni ini lufamül Mosasaurinae.
Bids
redakön- P. solvayi: bid patedik; fösils mödikün ona pätuvons in Belgän (in topäd Stitoda Solvay, päfünöl fa kiemavan: Ernst Solvay, de kel pägivon nem bide at). Päbepenon fa Louis Dollo ün 1889. Älabon lunoti mö mets za 6.
- P. giganteus: bid Yuropik lunotü mets za 10.
- P. overtoni: bid Meropik, lunotü mets 8, se prim Kretata in tat Lamerikänik: South Dakota. Distü bids votik, no älabon tutis vemo päflegölis in löpamaxül.
- P. rapax: bid Meropik, no gudiko sevädik.
- P. stadtmani: bid Meropik legretik (lunotü mets 10,5) fina Kretata in tat Lamerikänik: Colorado. Bi tüvöp ätopon in topäd, kel luveratiko äbinon fägik de melajol Kretatik, kredoy, das älifon in vats dibik, e das äkanon daivön dibiko.
- P. waiparaensis: bid se Nula-Seleäns, luveratiko bid gretikün, ma taxet lunotü mets 11.
- P. saturator: bid gianagretik se Nedän, lunotü mets 14. Pätuvon ün degyel 1990 e päbepenon ün 2002.
Yüms plödik
redakönIn Linglänapük:
- Nüns dö el Prognathodon (lä fin pada at) se bevüresodatopäd: Dinosauria on-line.
- Bepenam vestigama tefü melaräptuls in Nula-Seleäns, keninükamü fotografots e däsinots fösilas ela Prognathodon, äsi röletafs votik ona (se bevüresodatopäd: Oceans of Kansas).