Mixosaurus

iMixosaurus Timäd fösilik: zänoda-Triat
Mixosaurus sp.
Dakipastad
Edadeadöl (fösil)
Dadiläd nolavik
Regnum: Animalia Phylum: Chordata Classis: Sauropsida Ordo: Ichthyosauria Familia: Mixosauridae Genus: Mixosaurus Species: M. atavus, M. kuhnschnyderi, M. cornalianus

Elaf Mixosaurus (siämü „lasär pemigöl“) binon el genus räptulas edadeadöl lü rood liktiosauras dutöl. Ärivon lunoti meta za bala. Fösils onik petuvons in tops distöfik: Tsyinän, nisul: Timor, Lindonesän, Litaliyän, nisul: Spitsbergen, nisul: Svalbard, Kanadän, e tats Lamerikänik: Lalaskän e Nevada. Pänemon ün 1887 fa hiel George H. Baur.

El Mixosaurus ägeton nemi okik bi äbinon jiniko „fom vüik“ vü liktiosaurs palafomik primöfik (soäs elaf Cymbospondylus) e liktiosaurs delfinafomik äsököl (soäs elaf Ichthyosaurus). El Mixosaurus älabon göbi lunik labü fäin lövik (kelos tikodükon, das äbinon ba svimaf nevifik), ab älabon i bäkafäini ad stirön oki gudikumo in vat. Lim gubafomik alik ona älabon teanis lul, distü liktiosaurs äsököl labü teans te kils. Binos küpädik, das tean alik älabon bomis mödikum, kas nomiko, e das föfalims binons lunikums, ka pödalims.

El Mixosaurus äbinon melaräptul, kel äfidon fitis smalik.

Literat

Dixon, Dougal. 2006. The Complete Book of Dinosaurs. Hermes House.