Cymbospondylus

iCymbospondylus Timäd fösilik: zänoda-Triat
Dakipastad
Edadeadöl (fösil)
Dadiläd nolavik
Regnum: Animalia Phylum: Chordata Classis: Sauropsida Subclassis: Diapsida Superordo: Ichthyopterygia Ordo: Ichthyosauria Familia: Shastasauridae Genus: Cymbospondylus Species: C. natans, C. germanicus, C. nevadanus, C. parvus, C. piscosus, C. grandis, C. petrinus, C. buchseri

Elaf Cymbospondylus äbinon liktiosaur primöfik, kel älifon dü zänoda-Triat, bü yels 220-balion. To primöf okik, äbinon balaf liktiosauras lunikün: dabinons fösils lunotü mets 6 jü 10. Äbinon i balaf liktionsauras läs fitafomikas: änelabon bäkafäini e göbafäini (ab älabon snud lunik äs liktiosaurs votik). Do ainog pediladöl as liktiosaur grupa primöfik: Shastasauridae, koap onik, sümik ad ut pila, äkodon döbatis dö mög, das el Cymbospondylus no äbinon liktiosaur jenöfik.

Göb pilafomik ela Cymbospondylus äbinon ti laf lunota lölik koapa onik. Mögos, das göb at pägebon as svimöm veütikün. Äs melasneks nutimik, el Cymbospondylus bo äsvimon yufü flanamufs sneköfik. Lims gubafomik, kelis el Cymbospondylus älabon, ba pägebons ledino ad stirön ud ad läsükön svimavifoti liktiosaura at.

Fösils ela Cymbospondylus petuvons in Deutän, ed in tat Lamerikänik: Nevada. Pänemon ün 1868 fa hiel Joseph Leidy.

In kuliv pöpedik

El Cymbospondylus äkompenon pö näijenot: Sea Monsters (Melamosts), stabü televidasökod: Walking with Dinosaurs (Golön ko dinosaurs). Päplösenon as yagaf veütikün.

Literat

Dixon, Dougal. 2006. The Complete Book of Dinosaurs. Hermes House.

Yüms plödik

• http://www.bbc.co.uk/science/seamonsters/factfiles/cymbospondylus.shtml