Jan Miroslav Bakalář
| |
|---|---|
| Moted: | 18 yulul 1857, 16 yulul 1857 Srbce[*] |
| Deadam: | 23 yanul 1935 Podivín[*] |
| Cal(s): | hi-Sperantapükan[*], Catholic priest[*], hilautan[*], opinion journalist[*] |
| Tatät(s): | Lösterän-Macarän[*] |
Hiel Jan Miroslav Bakalář-Srbecký (1857 yulul 18 in Srbice nilü Kojetín - 1935 yanul 23 in Podvín-Kostel) äbinom padan romakatulik, lautan ä püban lautotas relik, märakonletan, slopan ä propagidan Volapüka in Tsyegän (ettimo nog dil Lösteräna). Äpübom i vobotis jäfüdik e gasedayegedis.
Ävisitom gümnadi in Kroměříž kaj Přereov. Poso änügolom seminari in Brno; ün 1884, ävedom padan. Äbinom kapulan in Křižanov, Jenešov e Bučovice, guvan in Bohuslavice ed ün 1887 ävedom julakategan in Břeclav.
Ya dü studüp okik äkonletom fabis, märis e kanitis netikis pro gased Tsyegänik: „Slavia“, ed äkeblünom vödabuke hiela Kott, ed i gasedes: „Hlas brněnský“ (Vög ela Brno), „Komenský“ (- „Dö literat bludik“, 1881), „Literární obzor“ (Horit literatik), „Světozor“ (Volasuemod), „Časopis muzejního spolku olomúckého“ (Gased Musedasoga di Olomouc) e r.
Äpübom gramati Volapüka in Tsyegänapük, äsi vödabuk Volapükik-Tsyegänapükik. Äkeblünom leigo gasedes Volapükik mödik in Wien, München, London, Torino e r.
Lautots
redakön- 1887. Slovníček řeči světové volapük. Dil volapücko-český a česko-volapücký. (Vödabukil valemapüka: Volapük.) Velké Meziříčí: J. F. Saska. (Pads 38.)
- 1887. Mluvnice světomluvy Volapük. Dle „učebných listů“ Moriče Obhlídala a se svolenim jeho na jazuk český upravil J. ill. Bakalar. Vydání druhé. (Gramat valemapüka: Volapük. Ma „tidableds“ dokana: Moritz Obhlidal, e zepü om ätradutom ini Tsyegänapük: J. ill. Bakalar. Dabükot telid.) Velké Meziříčí: J. F. Saska. (Pads 26.)
Literat
redakön- Haupenthal, Reinhard. 1982. Volapük-Bibliographie. Hildesheim, Zürich, New York: Georg Olms Verlag. (Päpüböl kobü dabükot nulik ela Volapük die Weltsprache ela Schleyer.)
- Kniele, Rupert. 1889. Das erste Jahrzehnt der Weltsprache Volapük. Verlag von A. Schoy, Buchhandlung, Ueberlingen a. B. (Dönu päpübon ün 1984 fa Reinhard Haupenthal, Saarbrücken: Editions Iltis.) (Vödem rigädik, ma dabükot balid).
- Spielmann, Sigmund. 1887. Volapük-Almanach für 1888, verfasst von Sigmund Spielmann. I. Jahrgang. Lekaled volapüka plo yel balmil jöltum jölsejöl, pelautöl fa Spielmann Sigmund. Yelüp balid. Leipzig: Mayer. (Vödem rigädik.)