Carolus Linnaeus
| |
|---|---|
| Moted: | Carl Nilsson Linnaeus 23 mayul 1707 Råshult[*] |
| Deadam: | 10 yanul 1778 Linnaeus Hammarby[*], Uppsala |
| Cal(s): | hitalavan[*], professor[*], hiplanavan[*], hisanan[*], italifajenädan[*], hilifavan[*], mycologist[*], pteridologist[*], bryologist[*], hinimavan[*], sökavan[*], hibödavan[*], hinativestigan[*], arachnologist[*], mineralogist[*] |
| Tatät(s): | Svedän |
| Matan(s): | Sara Elisabeth Moræa[*] |
| Cil(s): | Carl Linnaeus the Younger[*], Elisabeth Christina von Linné[*], Lovisa von Linné[*], Sara Christina von Linné[*] |
| Pal(s): | Nils Ingemarsson Linnaeus[*], Christina Brodersonia[*] |
| Gem(s): | Anna Maria Linnæ[*], Emerentia Branting[*], Sofia Juliana Collin[*], Samuel Linnaeus[*] |
| Dispenäd: | |
| |
Hiel Carolus Linnaeus (Svedänapüko: Carl Linné, ü Carl von Linné pos noubükam omik; 1707 mayul 23 - 1778 yanul 10) äbinom planavan, sanavan ä nimavan Svedänik, kel äjafon stabis dadilädasita nolavik atimik. Sevädom id as „fatan kladava lifavik nulädik“. Palelogom id as balan fatanas kologa nulädik.
El Linnaeus pämotom in länäd, in provin: Småland Sulüda-Svedäna. Fat omik äbinom büröletan balid oma, kel älasumom famülanemi laidüpik: büo valans igebons nemamasiti Skandinänik (nem + fatanem). Fat omik ävälom nem latinafomik: „Linnaeus“ kodü tiliad gianagretik in laneds famüla omik ädabinöl.
El Linnaeus ävisitom Niveri di Uppsala, kö äprimom ad tidön planavi ün 1730. De 1735 jü 1738 älödom in foginän, kö ästudom ed äpübom dabükoti balid ela Systema Naturae okik in Nedän. Ägegolom pos atos ini Svedän ed ävedom profäsoran planavi Nivera di Uppsala. Dü degyel: 1740 ätävom anikna zi da Svedän ad tuvön e dadilädön nimis e planis. Dü degyels: 1750 e 1760 äfövom dunöfi okik: konletam e dädiladam nimas, planas e minas, dö kels äpübom toumis ömik. Timü deadam okik, äsevädom da Yurop lölik as balan nolavanas gudikün timäda et.
Filosopan Fransänik: Jean-Jacques Rousseau äsedom omi nuni: „sagolös ome, das no nolob mani gretikum su tal“.[1] Lautan Deutänik: Johann Wolfgang von Goethe äpenom: „Pläamü hiel Shakespeare e hiel Spinoza, sevob neki bevü mens no plu liföls, kel eflünon obi nämöfikumo ka om.“[1] Lautan Svedänik: August Strindberg äpenom: „El Linnaeus äbinon jenöfo poedan, kel fädo ävedom natavan.“[2]
Lautanabrefod ela Linnaeus as nämätan tefü bidanem binon balugiko L.
Literat
redakön- ↑ 1.0 1.1 What people have said about Linnaeus. Bevüresodatopäd Nivera di Uppsala: Linné online, fomam Linglänapükik.
- ↑ Linnaeus deceased. Bevüresodatopäd Nivera di Uppsala: Linné online, fomam Linglänapükik.