Xaviera Hollander

**Xaviera Hollander**

Moted:	15 yunul 1943 Surabaya[*]
Cal(s):	jidramatan[], jilautan[], jigasediman[], jinepuedan[], columnist[], call girl[], madam[*]
Tatät(s):	Regän Nedäna[*]
Resodatoped calöfik:	http://www.xavierahollander.com/

Jiel Xaviera Hollander (1943 yunul 15) binof jilautan Nedänik, büo i jiprostitan, jiprostitanacif e jidramatan famik filmotas ko yegäds geniälik.

Pämotof labü nem: Vera de Vries in ‚Soerabaja’ (ettimo in Lindän Nedänik) lä fat yudik: ‚Michiel de Vries’ (1902-1973): dilekan malädanöpa in ‚Soerabaja’, e mot kritik Fransäna-Deutänik. Pos moted oka, el Hollander e mot okik päpladofs ini el Jappenkamp (seatöp pro Nedänans in Lindän Nedänik dü volakrig telid). Pos fin volakriga famül ofik älomädikon in ‚Amsterdam’.

El Hollander ävisitof eli Barlaeus Gymnasium, ägetof diplomi sekretana, ed ätävof lü Sulüda-Frikop, e poso lü ‚New York’ in Lamerikän, kö fino ävedof jiprostitan. Dö belifots okik äpenof bukis stedälik mödik, bevü kels i The Happy Hooker: My Own Story (Jiprostitan läbik: jenotem lönik oba, 1971, ISBN 0-06-001416-4), me kel äsevädikof in vol lölik. Ün 1982 päpübon tradutod Nedänapükik tiädü De happy hooker. Buk at ädistükon oki ün tim at sekü stedäl oka demü koit, e palecedon as sam literata flenöfik kol geniäl. Pävedükon filmot labü jiel ‚Lynn Redgrave’ as jidramatan cifik. El Hollander epenof siso bukis votik mödik ed ejafädof dramatis in ‚Amsterdam’. Buk lätik ofik: Child No More (No plu cil), binon konot neläbik deadama mota ofik.

Ün degyel 1970id äpenof, dü yels anik, konsälapadüli pro timapenäd: Penthouse tiädü Call Me Madam (Telefonolös nümi obik! o läd!). Ün tim at älödof in ‚Toronto’ (Kanadän), kö ämatikof ko Kanadänan ed äkompenof pö neitalif zifa. Äpubof i su köväd gramafonasirkota stimü els Beatles, pro kel äkanitof eli Michelle.

Ettimo äcifof eli Xaviera's Happy House: lötidöp smalik in ‚Amsterdam’. Ädabailof i domi okik: Caprice in ‚Marbella’, Spanyän.

Tü 2007 dekul 26, el Hollander ämatikof ko flen vönädik: ‚Philip de Haan’ (bäldotü yels 53) in ‚Amsterdam’.

Lautots (lised no lölöfik)

The Happy Hooker: My Own Story (1971) (Jiprostitan läbik: jenotem lönik oba)
Xaviera goes wild (1974) (Jiel Xaviera sovadikof)
The best part of a man (1975) (Dil gudikün mana)
Xaviera's magic mushrooms (1981) (Garids magivik jiela Xaviera)
The inner circle (1983) (Sogod nilöfik)
Fiesta of the flesh (1984) (Zäl mida)
Happily hooked (1985) (Läbiko emätiköl)
Erotic enterprises (1985) (Febäd lasiviälik)
Prisoner of the firebird (1986) (Fanäb filaböda)
The kiss of the serpent (1987) (Kid sneka)
Kind af (2001) ISBN 9024541476 (No plu cil)

Yüms plödik

Padem calöfik ela Xaviera Hollander.
Pad dö filmots ela Hollander lä el IMD: Internet Movie Database.