William Butler Yeats
| |
|---|---|
| Moted: | 13 yunul 1865, 13 mäzul 1865 Sandymount[*] |
| Deadam: | 28 yanul 1939 Menton, Roquebrune-Cap-Martin |
| Cal(s): | hipoedan[*], hidramatavan[*], hilautan[*], hibolitan[*], mystic[*], histrologan[*] |
| Tatät(s): | Irish Free State[*] |
| Matan(s): | Georgie Hyde-Lees[*] |
| Cil(s): | Anne Yeats[*], Michael Yeats[*] |
| Pal(s): | John Butler Yeats[*], Susan Pollexfen[*] |
| Gem(s): | Elizabeth Yeats[*], Lily Yeats[*], Jack Butler Yeats[*], Robert Corbet Yeats[*], Jane Grace Yeats[*] |
| Dispenäd: | |
| |
Hiel William Butler Yeats (pronimag: [ˈjeɪts]; 1865 yunul 13 - 1939 yanul 28) äbinom poedan ä dramatavan Lireyänik, ä balan pösodas veütikün literata tumyela 20id. Äflunom levemo Dönuliföfikami literatik Lireyänik, e kobü läd: Gregory e hiel Edward Martyn äfünom eli Abbey Theater, kela cif äbinom dü yels balid ona. El Yeats äbinom telna senatan Lireyänik. Ün 1923 ägetom premi: Nobel literata sekü vobotem okik, keli komitetanef prema äbepenom as „poed süperik, kel me fom löpa-lekanik notodon lanäli neta lölik.“[1] El Yeats palelogom valemo as balan lautanas nemödik ut, kelas vobots gretikün päfinükons pos get prema: Nobel;[2] vü vobots at binons: The Tower (Tüm; 1928) e The Winding Stair and Other Poems (Tridem Skrubätik; 1929).
El Yeats pädugälom in Dublin, ab älifädom cilüpi okik in Sligo. Ästudom poedi dü yunüp okik, e de bäldot yunik änitedälom tefü konäds Lireyänik e koult. Yegäds at patuvons in dil balid vobotema omik, zao jü fin tumyela 19id. Poedabuk balid oma päpübon ün 1889, e poedots lürigik at päflunons fa hiel Edmund Spenser e hiel Pery Bysshe Shelley, äsi fa lürig poedas Blodefa bü-Rafaelik. De 1900, poed ela Yeats pianiko ävedon kopikum ä jenöfimikum, nen loveikim yunüpa omik, do äbleibom nitedälön in maskars kopik e lanöfik ed in teorods sirkamufik lifa. Dü lifüp okik, el Yeats älasumom lecedis bolitik distöfik, keninükamü, ma vöds krüta: Michael Valdez Moses, „uts netimana tuik, veitacedana klatädik, dakipiälana stifälik e nosimana milyelimik“.[3]
Literat
redakön- ↑ Prem: Nobel Literata Yela 1923, se bevüresodatopäd: Nobelprize.org. Pekonsulton tü 2007 yunul 3.
- ↑ Frenz, Horst (red.). Prem: Nobel Literata Yela 1923. Nobel Lectures, Literature 1901–1967, 1969. Pekonsulton tü 2007 mayul 23.
- ↑ Moses, Michael Valdez. "The Poet As Politician". Reason, febul, 2001. Pekonsulton tü 2007 yunul 3.