Tatyana Afanasyeva
Moted: Татьяна Алексеевна Афанасьева
19 novul 1876
Küyiv
Deadam: 14 prilul 1964
Leiden
Cal(s): jimatematan[*], jifüsüdan[*], jibumavan[*]
Tatät(s): Regän Nedäna[*], Lämporän Rusänik[*]
Matan(s): Paul Ehrenfest[*]
Cil(s): Tatyana Pavlovna Ehrenfest[*], Galinka Ehrenfest[*]

Jiel Tatyana Alexeyevna Afanasyeva (Rusänapüko: Татьяна Алексеевна Афанасьева) (1876 novul 19 in Kiev - 1964 prilul 14 in Leiden) äbinof matematan Rusänik/Nedänik. Tü 1904 dekul 21 ämatikof ko füsüdan ä matematan Lösteränik: Paul Ehrenfest (1880-1933). Älabons dautis tel e sonis tel. I balan dautas onsik: Tatyana Pavlovna Ehrenfest, ävedof matematan.

El Afanasyeva pämotof in Kiev (Lukrayän). Pos deadam fata okik, pädugälof fa ziom in Sankt-Peterburg (Rusän), kö ävisitof vomajuli dugälavik e poso löpajuli pro voms. Ün 1902 päfeapladof lü niver di Göttingen, kö äseivof eli Ehrenfest. Telans ämatikons ün 1904, ed ün 1907 ägegolons lü Sankt-Peterburg. Ün 1912 äfealotädons lü Leiden in Nedän, kö el Paul Ehrenfest päcälom fovan hiela H. A. Lorenz as profäsoran nivera di Leiden.

El Tatyana äkobovobof ko himatan okik, patiko pö revid klatädik onsik mufava statitik hiela Boltzmann.[1] Äpübof vobotis mödik dö yegäds distöfik, a. s. fädöf,[2] läntrop,[3] e tid geometa ciles.[4][5][6]

Reidolös i yegedis: redakön

Literat redakön

  1. Ehrenfest, P. e T. Ehrenfest. 1911. Begriffliche Grundlagen der statistischen Auffassung in der Mechanik. In: Encyklopädie der mathematischen Wissenschaften Wissenschaften mit Einschluß ihrer Anwendungen. Toum: VI, dil telid (F. Klein e C. Müller (red.)). Leipzig: Teubner, pads: 3-90. Petraduton ini Linglänapük as: The conceptual foundations of the statistical approach in mechanics. New York: Cornell University Press, 1959. ISBN 0-486-49504-3.
  2. Ehrenfest-Afanassjewa, T. 1956. Die Grundlagen der Thermodynamik. Leiden.
  3. Ehrenfest-Afanassjewa, T. 1958. On the use of the notion "Probability" in Physics. American Journal of Physics, toum: 26, pad: 388. (Vödem rigädik.)
  4. Ehrenfest-Afanassjewa, T. 1924. Wat kan en moet het meetkundeonderwijs aan een niet-wiskundige geven? (debükot).
  5. Ehrenfest-Afanassjewa, Tatjana. 1931. Übungensammlung zu einer geometrischen Propädeuse. (Tradutod ini Linglänapük, fa hiel Klaus Hoechsmann ün 2003.)
  6. Moor, Ed de. 1999. Van vormleer naar realistische meetkunde. Penot, Utrecht. (Vödem rigädik, in Nedänapük.)

Yüm plödik redakön

Nüns brefik dö el Tatyana Afanasyeva, se bevüresodatopäd nivera di California.