Stormbergia
| iStormbergia
Timäd fösilik: Early Jurassic
| ||||||||||||
|---|---|---|---|---|---|---|---|---|---|---|---|---|
| Dadiläd nolavik | ||||||||||||
| ||||||||||||
bid
| ||||||||||||
|
S. dangershoeki |
Elaf Stormbergia binon el genus dinosauras vönädik grupa: Ornithischia, sevädik stabü fösils se Fomam di Elliot (löpa-Yurat, Hettangian-Sinemurian, Sulüdafrikän e Lesotän). Nem at pägivon fa hiel Richard Butler ün 2005 (de Sökod di Stomberg in Frikop sulüdik, keninükamü Fomams di Clarens, Elliot e Molteno, e de kel nüns mödik dö prim volfama dinosauras kömons). Bid te bal: S. dangershoeki (se topäd: Dangerhoek in Sulüdafrikän, kö bid patedik pätuvon) penemon jünu. Bid patedik at ela Stormbergia pimänioton in literat nolavik as „limaf gretik grupa Fabrosauridae“ dü yels 20 bü bepenam ona. Te boms nilü kran ela Stormbergia sevädons jünu; pats binoda bomas at jiniko sinifon, das dinosaur at äbinon limaf primöfik grupa: Genasauria (ab atimo rölets dinosauras balid grupa: Ornithischia padöbatons levemo).
Literat
redakön- R. J. Butler. 2005. The 'fabrosaurid' ornithischian dinosaurs of the Upper Elliot Formation (Lower Jurassic) of South Africa and Lesotho. Zoological Journal of the Linnean Society toum: 145(2), pads: 175-218.