'''Sog pro pükijaf''' (Linglänapüko: ''Language Creation Society'', LCS) binon noganükam bevünetik, pefünöl ün yel [[2007]] zeilü fopladam [[pük mekavikmekavapük|pükas mekavikmekavapükas]] e nünam publüge dö püks mekavik e komotanefs onsik. Limanes okik el LCS lofon bevü votiks resodaspadi glatik e prünabukemi. El LCS jäfidon id as vüpösod pro mens, kels neodons püki magälöfik pro buk u filmot, e pükijafans, kels vilons vobön caliko. As sam, ün 2009 el LCS änoganükon mätedi bevü pükijafans komitü el [[HBO]] ad tuvön datuvani püka pro televidalekoned [[Pled tronas]], sevabo [[Doħrakapük]]. Sekü mäted at päcälom hiel [[David J. Peterson]], kel enu edatikom i [[püks Valürik|pükis Valürik]] pro televidalekoned ot. Hiel Peterson äbinom presidan ela LCS de 2012 jü 2014.
El LCS binon i noganükian koköma altelyelik pükijafanas. Koköm balid äziton ün 2006, pänoganüköl fa grup studanas, kels büiko efünons eli LCS.