Daniel Parson
Hiel Daniel (ü ‚Dan’) Parson äbinom musigan, nünömaprogramel e proan ela ‚solresol’: yufapük bevünetik musigik fa el ‚Sudre’. El Daniel Parson pämotom tü 1989 prilul 13 tö zif: ‚Lincoln’ in elän Illinois (Tats pebalöl Lamerikäna), ädeadom ottopo tü 2023 yulul 13. Äsevom Linglänapüki, Spanyänapüki ed eli solresol. Äbepläyom trompeti ed eli ‚ocarina’. Ädutom lü muf nüdafutogolanas. Sis yel: 2011 < äbinom liman kluba: ‚Phi Mu Alpha Sinfonia’ (sevabo svistefa Lamerikänik binü utans, kels pato nitedälons dö musig).
Älabom nämäti vemik in sogod slopanas ela solresol kodü tälen klülik as noganükan. Ün 2011 äjafom bevüresodatopi cifik ela solresol: ‚sidosi.org’ (el sidosi sinifon ma ‚solresol’ elis „lärn” u „lärnön”), kö ädabinons tradutian bevüresodik, bukem bevüresodik ko maters veütikün dö musigapük at, spikotadiläd ad bespik yegädas pükavik tefü ‚solresol’, diläd di ‚wiki’ ko yegeds ma Linglänapük e pük: ‚solresol’. Sekü primät omik päsedon begapenäd calöfik tefü gev ele solresol pükakota bai sit di ‚ISO’ (sotül: 639-3). Liedo begapenäd et pärefudon. ‚Dan Parson’ id äbinom liman cifefas in grups sevädik di ‚solresol’ pö els ‚Facebook’, ‚Reddit’, ‚Discord’.
Yüms plödik.
redakön- Deadamanun dö ‚Dan Parson’.
- Oklifibepenot naböfik as kopied pö ‚Wayback Machine’.
- El ‚sidosi.org’: resodatoped fa ‚Dan Parson’ pemeköl, as kopied pö ‚Wayback Machine’.
- Begapenäd tefü pükakot pro ‚solresol’ pö toped ela ‚SIL’ („niver hitüpik pükavik”).