iOmeisaurus
Timäd fösilik: zänoda-Yurat
Kran elafa Omeisaurus tianfuensis se Mused di Beijing.
Kran elafa Omeisaurus tianfuensis se Mused di Beijing.
Edadeadöl (fösil)
Dadiläd nolavik
Regnum: Animalia
Phylum: Chordata
Classis: Sauropsida
Superordo: Dinosauria
Ordo: Saurischia
Subordo: Sauropodomorpha
Infraordo: Sauropoda
Familia: Euhelopodidae
Genus: Omeisaurus
  • O. junghsiensis Yang Zhongjian (Chung Chien Young), 1939 (bid patedik)
  • O. changskouensis Yang Zhongjian, 1958
  • O. fuxiensis Dong, Zhou e Zhang, 1983
  • O. luoquanensis He, Li and Cai, 1988
  • O. maoianus Tang, Jin, Kang e Zhang, 2001
  • O. tianfuensis He, Li, Cai and Gao, 1984

Elaf Omeisaurus (siämü „läsar di Omei“) äbinon dinosaur lurooda: Sauropoda, kel älifon finü Yurat uto, kö atimo topon Tsyinän. Nem onik dekömon de Bel: Emei, kö pätüvon.

Äs els Sauropoda votik, el Omeisaurus äbinon planifidaf gretik. Ärivon lunoti metas 10-15, geiloti metas 4 e vetoti tounas 4. Älabon koapi bigöfik e särvigi lunik patedikis dinosauras votik lurooda at. Distü els Sauropoda mödik ye älabon nudahogis nilü tipot nuda okik. Bäk ela Omeisaurus äbinon geilikum pö hips ka pö jots okiks. El Omeisaurus älabon noe särvigi lunik, abi särvigavirebis pluik anik no ädabinöls pö els Sauropoda votik. Virebs it äbinons lunikums e gretikums.

Bomem ela Omeisaurus tianfuensis se Mused di Beijing.

Jeps gretik ela Omeisaurus ba äzitevons in länäd fina Yurata, kobü elafs Stegosauridae Yuratik soäs elaf Tuojiangosaurus ed elaf Chungkingosaurus. El Omeisaurus äbinon luveratiko limaf mödikün lurooda: Sauropoda in Tsyinän ettimik.

Elaf Omeisaurus päbepenon balidnaedo ün 1939. Pänemon stimü bel saludik: Omeshian, kö fösil balid ela Omeisaurus pitüvon. Bomems mödikün ela Omeisaurus pätuvons ün degyels: 1970 e 1980, dü „dinosauriyag Tsyinänik gretik“. Jünu penemons bids lul ela Omeisaurus: O. junghsiensis, O. changshouensis, O. fuxiensis, O. tianfuensis e O. luoquanensis. Valikafs pänemons stimü tops, kö pätuvons. El O. fuxiensis äbinon bid smalikün, lunotü mets 9,1. Dinosaur teik labü särvig lunikum äbinon elaf Mamenchisaurus. Göbafösil pätüvöl ko fösils ela Omeisaurus in bomabed ot pälelogon as dutöl lü dinosaur at, ab anu kredoy, das duton lü elaf Shunosaurus.

Bomems ela Omeisaurus pajonons in Dinosauramused di Zigong, in provin: Sichuan, ed in Museum di Beipei, nilü Chongqing (tops bofik in Tsyinän).

Dadiläd redakön

El Omeisaurus pädadilädon balna as limaf famüla: Cetiosauridae, kel ibinon lunüpo famül labü nims mödik dadiläda dotik. Bid: O. fuxiensis anikna papölalecedon as elaf Zigongosaurus, ab bofikafs pastabons su fösils difik do labons bidanemi ot.

Literat redakön

  • Zhiming, Dong. 1988. Dinosaurs from China. China Ocean Press, Beijing, e Mused Britänik (Natajenava). ISBN: 0-565-01073-5.
  • Britt, Carpenter et al. 2002. Dinosaurasikloped. Lincolnwood, Illinois, Lamerikän: Publications international. ISBN: 0-7853-5561-8.

Yüms plödik redakön

In Linglänapük: