Nyctosaurus

iNyctosaurus Timäd fösilik: Kretat
Pänot elafa Nyctosaurus löik
Dakipastad
Edadeadöl (fösil)
Dadiläd nolavik
Regnum: Animalia Phylum: Chordata Classis: Sauropsida Ordo: Pterosauria Subordo: Pterodactyloidea Familia: Pteranodontidae Genus: Nyctosaurus Marsh, 1876
Species
N. lamegoi N. gracilis
Vöds otsinifik
Nyctodactylus Marsh, 1881

Elaf Nyctosaurus äbinon pterosaur famüla: Pterodactyloidea, sevädik kodü kranakräst plödakösömiko gretik ona, sümik ad ut röletafa onik: elaf Thalassodromeus brefabüo petuvöl. Nolavans anik emobons, das kräst at, sümik ad honed gianagretik, ba ästüton mitasaili pägeböl ad fasilükumön flitami pö fitisök. Fösils onik petuvons cifadilo in zänoda-vesüd Lamerikäna: topäd, kö dü Kretat ädabinon mel nedibik stäänik. Fösils balid no äjonons krästi legretik, ab te dili ona, sümiki ad kräst famik smalikum elafa Pteranodon.

El Nyctosaurus äbinon pterosaur teik, kel iperon „doatis“ kluvilabik oka, pläamü flitämadoat, kelos bo äfikulükon mufami onik su glun. Sekü atos nolavans anik cedons, das el Nyctosaurus älifädon cifadili tima onik äflitölo, e te selediko su glun. Pato def kluvas, me kels äkanonöv gleipön platotis, änemögükon grämi, u dakipi pö bimastamods, ele Nyctosaurus. El Nyctosaurus jiniko äläilifon posä röletaf onik: el Pteranodon idadeadon, e ba jü dadeadam gretik finü Kretat, bü yels 65-balion.

In kuliv pöpedik

El Nyctosaurus äkompenon pö näijenots 1id e 6id sökoda: Prehistoric Park (Legad Rujenavik).

Yüms plödik

• Elafs Nyctosauridae lä bevüresodatopäd: The Pterosaur Database.
• Magods ela Nyctosaurus sp. labü kräst legretik, lä bevüresodatopäd: The Grave Yard.