Numam

Numam binon dunot matematik, ma kel saedoy (u näedoy) bali, kösömiko ad sevön, yegs liomödotik dabinons, ud ad sesukön numi pevilöl yegas (primölo me „bal“ pro yeg balid e poso saedölo bali a yeg pesesuköl alik), u, tefü sökaleod yegas, ad tuvön nümi yega semik ud ad tuvön yegi labü nüm semik. Numam i pagebon ad jonön noli dö nems numas e sit numas: bal, tel, kil, fol, lul,...) u dö nums it. Matematans spikons dö numam as metod ad tuvön numi diletas konleta finilabik.

Numam de 0 jü 9.

Numam anikna tefon saedami numas gretikum ka bal, as sam: numam mona, numam a tels (2, 4, 6, 8, 10,...) u a luls (5, 10, 15, 20, 25,...).

Tuvots vönotavik anik tikodükons, das mens numons du yels pu 50 000. Numam pägebon fa pöps vönik ledino ad bejäfön nünis konömavik äs debs e katäd (bukädanolav). Volfam numama ädugon lü volfam malatema matematik e numatasitas.