N

Lafab Volapüka
Aa	Ää	Bb	Cc	Dd	Ee	Ff
Gg	Hh	Ii	Jj	Kk	Ll	Mm
Nn	Oo	Öö	Pp	Rr	Ss	Tt
Uu	Üü	Vv	Xx	Yy	Zz

El N binon tonat degfolid lafaba latinik kösömik ä tonat deglulid lafaba Volapükik.

Jenotem

Tonat: N dekömon de hieroglif Lägüptänik labü fom sneka, kel päpronon ba as [ʤ] (ibä vöd Lägüptänik labü sinif: „snek“ äbinon el „djet“). Pemobos, das semitans in Lägüptän ävoböls äjafons stabü hieroglifs lafabi balid, e das ägebons malati snekafomik Lägüptänik ad malön eli [n], bi vöd onsik sinifü „snek“ äprimon me [n]. Ab nem tonata at in lafabs posik: Fönikiyänik, hebreyik, larameyik binon „nun“ (päpronöl leigo [n]), kel sinifon „fiti“ in ans pükas at. Pron no pävotükon, ven tonat at pälasumon ini lafabs pükas votik: Vöna-Grikänapük, Letruskänapük, latin äsi püks atimik mödik.

Hieroglif Lägüptänik [ʤ]	Malat Rusemitik: N	El N Fönikiyänik	El N Letruskänik	El Nu Grikänik