Mo Xiang Tong Xiu
| Cal(s): | jilautan[*], jilautan lekonedas[*] |
| Tatät(s): | Tsyinän |
‚Mo Xiang Tong Xiu’ (Tsyinänapüko: ‚墨香铜臭’) binon magälanem jilautana Tsyinänik. Lautof lekonedis ma literatabids: ‚danmei’ (konots dö lelöf bevü mans tel), ‚xianxia’ (sotül ela ‚fantasy’ ko binäds miteodava Tsyinänik). Primo änotükof penädis oka medü bevüresodatop literatavik Tsyinänik: „Zif literatavik: ‚Jinjiang’ ”. Latikumo lekoneds ofik pebükons e petradutons se tsyin ini püks difik.
Magälanem redakön
Äsä jilautan enunof, magälanem ofik pestabon su vöds mota ofik. Jiel Mo Xiang Tong Xiu ävilof studön literatavi in löpatidöp, du mot ofa äslüdof dauti ad bejäfön konömavi. Mot äsagof, das „äsienof smeli niga in nam bal e smeli mona in votik.” El „Mo Xiang” (= 墨 香) sinifon eli „benosmel niga Tsyinänik”, el „Tong Xiu” (= 铜臭) labon sinifi: „mismel mona”.
Lekoneds redakön
- „Sit oksava pro jäpan” (tiäd rigädik tsyinik: ‚人渣 反派 自救 系统’, penul: pīnyīn: ‚Rén Zhā Fǎn Pài Zì Jiù Xì Tǒng’), 2014.
- „Mastal kulta diabik” (ü „Fünan lifavega badik”; tiäd rigädik: ‚魔道 祖师’, penul: pīnyīn: ‚Mó Dào Zǔ Shī’), 2015.
- „Bened sülibelödanas” (tiäd rigädik: ‚天官赐福’, penul: pīnyīn: ‚Tiān Guān Cì Fú’), 2017.Lekoneds valik kil at peceinons ad magodalekoneds binü toums anik e filmots pedäsinöl binü peisods balatik. Stabü buk: „Mastal kulta diabik” < ün 2019 pejafädon filmotasökod: „Nedamütovikan” (Tsyinänapüko: ‚陈情令’, penul: pinyin: ‚Chén Qíng Lìng’).
Pöped redakön
Lautots fa ‚Mo Xiang Tong Xiu’ binons pöpediks in läns mödik plödü Tsyinän. Ma nüns statitik ela „Leodükam bukas ma pöped in Rusän”, toums pepüböl lekoneda: „Bened sülibelödanas” < eklülädons dutön lü buks lul mu päselöls ünü yelalaf balid ela 2022 (e ma statit valemik, e bevü muadapenäds).