Masiakasaurus

iMasiakasaurus Timäd fösilik: fin Kretata
Magod hiela Masiakasaurus.
Dadiläd nolavik
Regnum: Animalia Phylum: Chordata Classis: Sauropsida Superordo: Dinosauria Ordo: Saurischia Subordo: Theropoda Infraordo: Ceratosauria Superfamilia: Abelisauroidea Familia: Noasauridae Genus: Masiakasaurus
Telnem
Masiakasaurus knopfleri Sampson et al., 2001

Elaf Masiakasaurus äbinon mitifidaf smalik dinosauragrupa: Theropoda, kel pänemon ün 2001. Älifon uto, kö anu binon Madagaskareän. Distü dil gretikün elas Theropoda, föfatuts ela äblegons föfio, no donio. Tuts balik at tikodükons, das el Masiakasaurus älabon diäti patik, ba keninükamü fits e nimils votik. Boms petüvöl votik tikodükons, das el Masiakasaurus äbinon telfutaf labü föfalims vemo brefiküns, ka pödalims. Ma täxets, lunot ela Masiakasaurus daülik äbinon mö mets za tels.

Kran elafa Masiakasaurus se el Field Museum of Natural History (Mused: Field natajenava).

El Masiakasaurus älifon bü yels za 70-balions, kobü nims äs elaf Majungasaurus, elaf Rapetosaurus, and Rahonavis. El Masiakasaurus äbinon röletaf nilöfik elafas Noasauridae: mitifidafs smalik in Sulüda-Merop pätuvöls.

In Madagaskareänapük, vöd: masiaka sinifon „badälik“; klu el Masiakasaurus binon „lasär badälik“. Bid patedik: Masiakasaurus knopfleri pänemon stimü musigan: Mark Knopfler grupa: Dire Straits, „kela musig älanälükon letävanefis“.

Literat

In Linglänapük:

• The Geological Society of London (Sogäd Talavik di London) (2001 yanul 25). "Palaeontologists in dire straits name dinosaur for the Sultan of Swing". Pekonsulton tü 2005 tobul 7.