Maria Willebrand

Jiel Maria Willebrand äbinof Volapükan Deutänik se Warendorf (Vesfalän) ün timäd Volapüka perevidöl. Ün 1932 ävedof liman diläda valemik feda Volapükaklubas; ün 1935, kobü hiel Johann Schmidt, ädispenof ed äpübof in Volapükagased pro Nedänapükans (1935, nüm: 2, pads: 14-15) levüdi ad fünön Volapükaklubi valemik Deutänik (Aufruf zur Gründung des „Allgemeinen Deutschen Volapükvereins“), kel ye kodü stütadef neai päfünon. Äprimof ad spodön ko Volapükans votik in Deutän e Nedän ün 1935, spod kelik ädulon jü prim volakriga telid.

Pos fin volakriga äkonstatos ye, das ideadof sekü krigaduns no pabepenöls (Volapükagased pro Nedänapükans 1946, nüm: 5, pad: 34).