Gasosaurus

iGasosaurus

Edadeadöl (fösil)

Dadiläd nolavik

Regnum:	Animalia
Phylum:	Chordata
Classis:	Sauropsida
Superordo:	Dinosauria
Ordo:	Saurischia
Subordo:	Theropoda
Infraordo:	?Carnosauria
Genus:	Gasosaurus
Species:	G. constructus

Telnem

Gasosaurus constructus
Dong Zhiming e Tang, 1985

Elaf Gasosaurus (tsyin: 气龙属) äbinom dinosaur grupa: Tetanuridae, kel pätüvon in ,Dashanpu’, Tsyinän. Nem nolavik, labü sinif: „bänsinalasär“, dekömom de bänsinakompenät, kel itüvon fösilöpi di ,Dashanpu’ in provin: ,Sichuan’, nu sevädik as Fomam di Dona⸗,Shaximao’. Dinosaur at älabon logis nämik ab bradis brefik; maxüls nämöfik ona jonons, das äbinon mitifidaf. Älabon lunoti metas 3,5-4, geiloti metas 1,3, e vetoti milgramas za 150; äbinon kludo dinosaur zänedöfik. Vestigans anik ye mobons, das veitot onik äbinon mö milgrams plu 400, ibä sevoy vemo nemödikosi dö dinosaur at. Älifon dü zänoda⸗Yurat, bü yels za 164-balions. Klülädü dinosaurs votik grupa: Tetanuridae, luveratiko äyagon in grups.

Tüv e bids redakön

Fösils balid (e jünu teiks) pätüvons ün 1985, dü bumam bänsinavoböpa. Fösils at pelasumons as patediks pro bid: Gasosaurus constructus fa fösilavans: ,Dong Zhiming’ e ,Tang Zilu’. Jünu fösils nog nemödiks pedagetons; pats kuratik no sevädons. Kran nonik petuvon jünu. Fösilavans anik emobons, das elafs Gasosaurus e Kaijiangosaurus ba dütons lü bid ot. I rölet ko el Megalosaurus ya pemobon. Do mödikumans vilöfo pladons eli Gasosaurus ini grup elafas Carnosauria, votans kredons, das binon limaf grupa: Caelurosauridae, e ba muton papladön la stab it grupa at.

Literat redakön

Creisler, B. 1994. Chinese Dinosaurs: Naming the Dragons. Dinosaur Report, pads: 16-17.
Dong-Zhiming e Tang-Zilu. 1985. A new Mid-Jurassic theropod (Gasosaurus constructus gen. et sp. nov.) from Dashanpu, Zigong, Sichuan Province, China. Vertebrata Palastica nüm: 23(1), pads: 77-83.

Yüms plödik redakön

In Linglänapük:

Bristol University, Linglän; bron moba vetota: 400kg.
Nuns dö el Gasosaurus se resodapad: Thescelosaurus!
Nuns dö el Gasosaurus se resodapad: Dino Russ's Lair.
Nuns se resodapad: Dinosaur.Net (bron nema Tsyinänapükik)