Eustreptospondylus

iEustreptospondylus Timäd fösilik: zänoda-Yurat
Kap elafa Eustreptospondylus, se Mused Natajenava Nivera di Oxford.
Dakipastad
Edadeadöl (fösil)
Dadiläd nolavik
Regnum: Animalia Phylum: Chordata Classis: Sauropsida Superordo: Dinosauria Ordo: Saurischia Subordo: Theropoda Familia: Megalosauridae Subfamilia: Eustreptospondylinae Genus: Eustreptospondylus Species: E. oxoniensis
Telnem
Eustreptospondylus oxoniensis Walker, 1964

Elaf Eustreptospondylus („vireb gudiko blegik“, tefü binod bäkaboma fösila rigik) äbinon dinosaur famüla: Megalosauridae, älifölo dü zänoda-Yurat (Callovian: bü yels 164,7-161,2-balions) in Sulüda-Linglän, ven Yurop äbinon sökod nisulas (sekü kontinänamuf ettimik, kel älöpükon melanivodi ed äkodon tuvatami topädas lövik).

Cedoy, das el Eustreptospondylus ärivon lunoti metas 5-7 e geiloti metas 2; älabon bo vetoti milgramas 200-250. Äbinon mitifidaf, telfutaf ed älabon göbi stifik; cedoy, das äyagon dinosauras grupa: Sauropoda, soäs el Stegosaurus. Äbinon limaf patedik grupa: Theropoda, labü pödalims nämik, stan löik, e föfalims smalik. Äbinon

Jenotem

El Eustreptospondylus päbepenon primo fa Sir Richard Owen ün 1841 as bid nulik ela Megalosaurus („M. cuvieri“). Fösil fa om pägeböl, se topäd di Oxford in Linglän, poso päperon, ab bepenam onik, leigodü fösils nulikum, jonon, das äduton lü bid: Eustreptospondylus oxoniensis. El Eustreptospondylus, bü dönubepenam hiela Walker ün 1964, pigivülon bide: Streptospondylus cuvieri.

Bomem ela Eustreptospondylus.

Ün 2000, hiel Rauhut äjonom, das te difs smalik pö hipabom distükons eli Eustreptospondylus se el Magnosaurus: limaf votik famüla Megalosauridea. Sekü atos, ämobom ün 2003, das bofikafs sötons dutön lü el genus ot (ön jenet kelik el Eustreptospondylus oxoniensis pavotanemonöv as el Magnosaurus oxoniensis).

In kuliv pöpedik

El Eustreptospondylus äkompenon pö näijenot kilid sökoda: Walking with Dinosaurs (Golön ko Dinosaurs) ela BBC, tiädü „Cruel Sea“ (Mel kruälik).

Literat

• Walker. 1964. Triassic reptiles from the Elgin area: Ornithosuchus and the origin of carnosaurs. Philos. Trans. R. Soc. London, toum: B 248, pads: 53-134.
• Rauhut. 2000. The interrelationships and evolution of basal theropods (Dinosauria, Saurischia). Penot ela Ph.D., Niver di Bristol (Linglän), pads: 1-140.
• Rauhut. 2003. The interrelationships and evolution of basal theropod dinosaurs. Special Papers in Palaeontology, toum: 69, pads: 1-213.