Eotyrannus
| iEotyrannus
Timäd fösilik: dona-Kretat
| ||||||||||||||||
|---|---|---|---|---|---|---|---|---|---|---|---|---|---|---|---|---|
 | ||||||||||||||||
|
Edadeadöl (fösil)
| ||||||||||||||||
| Dadiläd nolavik | ||||||||||||||||
| ||||||||||||||||
| Eotyrannus lengi Hutt et al., 2001 |
Elaf Eotyrannus („tirenaf gödalulita“) äbinon dinosaur famüla Tyranossauroidea (lurooda: Theropoda), kel älifon primü Kretat (ma fösils okik se Fomam di Wessex: dil Grupa di Wealden, su Nisul di Wight in Greta-Britän. Fösils at binädons me kran, bäkabom e limadilets anik yunafa, päbepenon fa els Hutt et al. ün 2001.[1] Tümolog ela genus tefon binäl dinosaura at as „tirenaf timas primöfik“, e tümolog bidanema tefon tüvani fösila. Elaf Eotyrannus älabon lunoti metas 6. Kalad elafas Tyrannosauroidea klülädon se tuts bümaxülik koinafomik, ed els tibiae e metatarsia pelunüköl. Patöfs primöfik pro els Tyrannosauroidea nog äkomädöls pö el Eotyrannus binons nükavirebs pelunüköl, brads lunik ä gudiko päfomöls e kranasürfat balugik. Nim at, proporiko, älabon bali namas lunikün dinosauras jünu sevädikas lurooda: Theropoda.
Dinosaur at äbinon mitifidaf, e ba äfidon dinosauris planifidöl soäs Hypsilophodon e Iguanodon.
Tüv ela E. lengi fümedon teorodi, das els Tyrannosauroidea balid äbinons lunedik ed älabons bradis lunik e namis labü doats kil ad gleipön. Gretot magädabik nima at ye sinifon, das els Tyrannosauroidea ävedons legretiks ya ün prim volfama onsik (u ba das el Eotyrannus ägretikon nesekidiko).[2] Tüv nima at in Yurop davedükon säkis nitedik pro teorod licina Siyopik famüla at. El Eotyrannus, kobü elaf Stokesosaurus in Nolüda-Merop ed elaf Aviatyrannis in Yurop, tikodükon, das jenotem onsik binon ba komplitikum.
Yüms plödik
redakön- ↑ Hutt, S., Naish, D., Martill, D.M., Barker, M.J., and Newbery, P. 2001. A preliminary account of a new tyrannosauroid theropod from the Wessex Formation (Cretaceous) of southern England. Cretaceous Research, toum: 22, pads: 227–242.
- ↑ Holtz, T. R. Jr. 1994. The phylogenetic position of the Tyrannosauridae: implications for theropod systematics. Journal of Paleontology, toum: 68, pads: 1100–1117.