Compsosuchus

iCompsosuchus

Timäd fösilik: fin Kretata

Edadeadöl (fösil)

Dadiläd nolavik

Regnum:	Animalia
Phylum:	Chordata
Classis:	Sauropsida
Superordo:	Dinosauria
Ordo:	Saurischia
Subordo:	Theropoda
Infraordo:	Ceratosauria
Superfamilia:	Abelisauroidea
Familia:	Abelisauridae
Genus:	Compsosuchus
Species:	C. solus

Telnem

Compsosuchus solus
Matley & Von Huene, 1933

Elaf Compsosuchus (siämü „krokod jönik“) äbinon dinosaur famüla: Abelisauridae, kel älifon dü fin Kretata (bü yels za 70-balions, dü period: Maastrichitan) uto, kö anu topon Lindän.

Bepenam

El Compsosuchus äbinon dinosaur smalik ä slenik lunotü mets za tels, geilotü mets za 0,8 e vetotü milgrams za teldegs.

Jenotem

El Compsosuchus päbepenon ün 1933 fa hiel Friedrich von Huene e hiel Charles Alfred Matley stabü fösils nemödik (yoins) in fomam di Lameta pätüvöls, in bel: Bara Simla, in tat: Madhya Pradesh, in Lindän. Bid patedik binon el C. solus. Sekü nemöd fösilas, el Compsosuchus suvo palelogon as nem dotik (nomen dubium).

Dadiläd

Yoins pätuvöl sümon boso ad uts elafa Allosaurus, sekü kod kinik el Compsosuchus pädadilädon primo as limaf famüla: Allosauridae. Poso päpladon vü elafs Coelurosauria, ab atimo palelogon as limaf famüla: Abelisauridae bi yoins sümons nog plu ad uts elafas Carnotaurinae, kelos tikodükön dö volfam kobiköl vü ons ed els Allosauridae. Mobs at ye padöbatons nog, e mödikans cedons, das el Compsosuchus binon nem dotik (nomen dubium).

Literat

Von Huene, F, e C. Matley. 1933. The Cretaceous Saurischia and Ornithischia of the central provinces of India. Pal. Indica, nüm: 21, pads: 1-74.
Molnar, R., S. Kurzanov e Dong Zhiming. 1990. In David B. Weishampel e vot. (red.): The Dinosauria. Berkeley, Los Angeles, Oxford: University of California Press.
Novas, F., F. Angolin e S. Bandyopadhyay. 2004. Cretacious theropods from India: A review of specimens described for Huene and Matley (1933). Rev. Mus. Argentino de Cs. Nat., ns Buenos Aires. ISS1514-5158.

Yüms plödik

In Linglänapük:

El Compsosuchus lä Dinosaurasikloped se bevüresodatopäd: Dino Russ's Lair.
El Comsposuchus lä bevüresodatopäd: Dinodata.org.

In Deutänapük:

El Comspusuchus lä bevüresodatopäd: Dinosaurier-web.