Chuandongocoelurus

iChuangdongocoelurus

Timäd fösilik: zänoda-Yurat

Edadeadöl (fösil)

Dadiläd nolavik

Regnum:	Animalia
Phylum:	Chordata
Classis:	Sauropsida
Superordo:	Dinosauria
Ordo:	Saurischia
Subordo:	Theropoda
Genus:	Chuandongocoelurus

Elaf Chuandongocoelurus ([ˌtʃwanˌdoŋgosiˈlurəs] - Chuandong in provin Sichuan, Tsyinän, e vöds Vöna-Grikänapükik: κοίλος „kevöfik“ ed οὑρά „göb“) äbinon ba dinosaur lurooda Theropoda (ba grupa: Ceratosauria, u grupa: Coelurosauria), sevädik stabü bomem no lölöfik petüvöl in Sichian (fomam zänoda-Yuratik Xiashaximiao, dil fomama Dashanpu). Bid teik ela genus at binon: Chuangdongocoelurus primitivus. If ädabinon, el Chuandongocoelurus äbinon mitifidaf smalik ä telfutik. Ab fösilavans anik cedons oni dotiki, e leigo cedons vödi: Chuandongocoelurus eli nomen dubium.

Bomem (bid patedik CCG 20010) binädon, vü votiks, me virebs anik särviga, bäka e göba, skapular no lölöfik, hipaboms (els ilium, pubis e ischium) no lölöfiks, lögaboms (els femur, tibia, fibula) ed i futaboms (els Astragalus, Calcaneum e teanaboms anik). Lunot dinosaura at patäxeton mö mets 2,4, e vetot mö milgrams 12. Pats anik virebas jonons ye, das boms at ädutons lü dinosaur no daülik, o.b. no ifigloföl.

Literat

He Xinlu. 1984. The vertebrate fossils of Sichuan. Sichuan Scientific and Technological Publishing House.
Norman, David B. 1990. Problematic Theropoda: ``Coelurosaurs. In David B. Weishampel, et al. (eds.), The Dinosauria, pads: 280-305. Berkeley, Los Angeles, Oxford: University of California Press.

Yüms plödik

In Linglänapük:

Pats anik dö el Chuandongocoelurus
El Chuandongocoelurus primitivus se bevüresodatopäd: The Theropod Database.