Charonosaurus

iCharonosaurus Timäd fösilik: fin Kretata
Elaf Charonosaurus.
Dakipastad
Edadeadöl (fösil)
Dadiläd nolavik
Regnum: Animalia Phylum: Chordata Classis: Sauropsida Superordo: Dinosauria Ordo: Ornithischia Familia: Hadrosauridae Subfamilia: Lambeosaurinae Tribus: Parasaurolophini Genus: Charonosaurus
Telnem
Charonosaurus jiayinensis Godefroit, Zan & Jin, 2000

Elaf Charonosaurus (siämü „lasär ela Charon“) äbinon dinosaur, kelas fösils pätüvons fa els Godefroit, Zan e Jin ün 2000 jolü flumed: Amur, kel fomon miedi vü Tsyinän e Rusän.

Nem: Charonosaurus < pedütülon de hiel Charon: lovenafan miteodavik, kel äblinom lanis lü disvol. Is papänöl fa hiel Michelangelo.

Bepenam

El Charonosaurus äbinon limaf vemo gretik lufamüla Lambeosaurinae famüla Hadrosauridae (lunot ona petaxeton mö mets za 13). Sevädon stabü kran no lölöfik (CUST J-V1251-57 (Niver Nolavik ä Kaenavik di Changchun, in provin: Jilin, in Tsyinän) pitüvöl in fomam di Yuliangze (period: Maastrichtian), vesüdü vilag: Jiayin, in provin: Heilongjiang, in Tsyinän Nolüda-Lofüdik. Fösils votik yunafas e düalafas famüla: Hadrosauridae in top ot petuvöls luveratiko dutons lü el genus at e mögükons vestigami bomema pokranik. Lunot ela femur äbinon mö mets 1,35. Kran no lölöfik sümon ad ut elafa Parasaurolophus e luveratiko älabon krästi lunik sümik, kelosi tikodükon fom ivotiköl flomabomas. El Charonosaurus binon bal limafas gretikün famüla Hadrosauridae jünu in Siyop petuvölas, e jonon, das elafs Lambeosaurinae älailifons jü fin Kretata (fösils onsik fina Kretata no petuvons in Nolüda-Merop).