Aucasaurus

iAucasaurus

Timäd fösilik: löpa-Kretat

Edadeadöl (fösil)

Dadiläd nolavik

Regnum:	Animalia
Phylum:	Chordata
Classis:	Sauropsida
Superordo:	Dinosauria
Ordo:	Saurischia
Subordo:	Theropoda
Infraordo:	Ceratosauria
Familia:	Abelisauridae
Subfamilia:	Carnotaurinae
Tribus:	Carnotaurini
Genus:	Aucasaurus

Telnem

Aucasaurus garridoi
Coria, Chiappe, Dingus 2002

Elaf Aucasaurus äbinon dinosaur Largäntänik zänedagretik grupa: Theropoda, kel älifon dü fin Kretata (timäd: Santonian.). Älabon lunoti metas 4, geiloti (jü hips) meta bal, e vetoti milgramas za 700: äbinon kluo smalikum, ka röletaf okik: elaf Carnotaurus, do brads onik äbinons lunikum. Äbinon ibo limaf smalikun grupa: Carnotaurini. Distü el Carnotaurus, el Aukasaurus no älabon honilis sulogik.

Patedabomem binon lölöfik jü vireb göbik degkilid, klu pasuemon tefädiko gudiko; binon ibo limaf grupa: Abelisauridae, kel jünu gudiküno pebepenon (ün 2002), keninükamü i skinaretods lä hips. Kran ye pädämükon, kelos koedon tikön fösilavanis anik, das äkompenon pö komip ven ädeadon. Bomem at pätuvon in topäd, kel jiniko äbinon ettimo lak; el Aucasaurus smalik jiniko äzitevon nilü lak ad sukön nögis u dinosaurülis (aniks pätuvons nilü bomem).

Yüms plödik

In Linglänapük:

Dadiläd ela Aucasaurus in bevüresodatopäd: Thescelosaurus!
Däsinots ela Aucasaurus garridoi fa lekanans difik, se bevüresodatopäd: The Dinosauricon.
Däsinot votik ela Aucasaurus.
Däsinot e nüns brefik dö el Aucasaurus.

In Nedänapük:

Nüns brefik dö el Aucasaurus.