Anne de Vries
| |
|---|---|
| Moted: | 22 mayul 1904 Assen, Assen[*] |
| Deadam: | 29 novul 1964 Zeist |
| Cal(s): | hitradutan[*], lautan literatava cilik[*], hilautan[*], resistance fighter[*], hitidan[*] |
| Tatät(s): | Regän Nedäna[*] |
Hiel Anne de Vries (1904 mayul 22 - 1964 novul 29) äbinon dugälan ä lautan Nedänik. Äsevädikom ledino dub telat lekonedas topik dö yunan: Bartje se provin Nedänik: Drenthe.
Älifädom yunüpi okik in farm soaliko pipladöl in fel nilü Assen. Dü julüp äpenom nunodilis pro gased: Asser Courant, medü kels ägetom 50c a nunodil. Äpenom i kritidakonoti völadü flons tel.
Kodü löf okik tefü motedöp in provin: Drenthe, äpenom bukilis balid in lödöp posik okik: Zeist. Us äpenom i buki balid Bartje, kel suno äfamikon. Ma sag omik buk at no tefon lifajenädi omik.
Äsä om it äpenom:
Äpenob eli „Bartje“ stabü yunüpasenäls obik, kobü stud e plak obik as juladilekan. El „Bartje“ söton binön vokäd gönü snat pö dugäl, stedäl e nelönafrutiäl kol cil, kel pö obs vilon logön flenädani ab alna senälon oki fa obs pacütöli. Buk at jonon, vio dub atos volfons pö cil lesinods ot, käfods ot, ko kels obs as daülans ai mutobs komipön.
Pos benosek ela Bartje äpenom sökodi: Bartje zoekt het geluk (El Bartje sukom läbi), kel älabon benoseki so gretik äs buk balid. El Bartje petraduton ini püks Deutänik, Danänik, Svedänik, Norgänik, Tsyegänik e Macaränik, bevü votiks.
Ägetom fami in Nedän lölik posä el Bartje ävedon filmot (televidasökod) benosekik ün 1972 (dilekan: Willy van Hemert). Dilo danü filmot at el Bartje ävedon i sümbol provina: Drenthe. Us pepladon magot yunana: Bartje.
Ämatikom ün 1930 ko jiel Alida Gerdina van Wermeskerken. In mat at pämotons cils lul.
Plä buks pro yunans äpenom i cilabibis e julabukilis (a.s. dö hiel Panokko: lindiyan yunik se Sulüda-Merop).
Dü yels lätik lifüpa okik äbinom presidan jäfüdagrupa: literat Feda Lekananas Kritik.
Lautots pevalöl redakön
- Jongens van de straat (Sütayunans), 1934
- Bartje 1935
- De stroper (Nimitifan), 1935
- Jaap en Gerdientie (Hiel Jaap e jiel Gerdientje), 1937
- Op de grote heide (Su brüyäralän gretik), 1937
- Der große Moorbrand (Lefil su brüyäralän), 1937
- Groot vertelboek voor de Bijbelse geschiedenis (Konotabuk gretik dö jenotem bibik), 1939
- Verhalen voor Kersttijd (Konots pro kritid), 1948
- Honderd vertellingen uit de bijbel (Konots tum se bib), 1949
- Het boek van Jan Willem (Buk hiela Jan Willem), 1950
- Reis door de nacht (Täv dü neit), 1951-1958 (4 Teile)
- Kinderkleurbijbel (Oude testament) (Cilabib (Diatek Vönik)), 1961