Alvarezsaurus

iAlvarezsaurus

Timäd fösilik: fin Kretata

Edadeadöl (fösil)

Dadiläd nolavik

Regnum:	Animalia
Phylum:	Chordata
Classis:	Sauropsida
Superordo:	Dinosauria
Ordo:	Saurischia
Subordo:	Theropoda
Familia:	Alvarezsauridae
Genus:	Alvarezsaurus Bonaparte, 1991

bid

A. calvoi Bonaparte, 1991 (pated)

Elaf Alvarezsaurus (siämü „lasär hiela Alvarez“) äbinon dinosaur smalik famüla: Alvarezsauridae, kel älifon finü Kretat (bü yels 89-85-balions) uto, kö anu topon Largäntän. Ma täxets, äbinon lunotü mets za tels e vetotü milgrams za teldegs. Pätuvon in Fomam di Bajo de la Carpa e pänemon ün 1991 fa fösilavan: José Bonaparte stimü jenavan: Don Gregorio Alvarez.

Bid patedik binon el A. calvoi. Äbinon telfutaf, älabon göbi lunik e lögabinond omik tikodükon, das äkanon rönön vifiko. Ba äbinon näsäkifidaf. Äbinon primöfikum, ka limafs sevädikum famüla okik, äs elaf Shuvuuia ed elaf Mononykus. Ya pedadilädon kobü elafs Theropoda no bödisümiks, ab i kobü böds balid, ma lautans difik.

In kuliv pöpedik

El Alvarezsaurus äkompenon pö televidasökod: Dinosaur Planet (Planet Dinosauras). Päjenon as yagaf elafa Saltasaurus, do atos no nog klülabon stabü fösils jünu petüvöls.

Yüms plödik

El Alvarezsaurus lä bevüresodatopäd: Dinoruss.
El Alvarezsaurus lä bevüresodatopäd Museda Natajenava di London.