Agujaceratops

iAgujaceratops
Dakipastad
Edadeadöl (fösil)
Dadiläd nolavik
Regnum: Animalia Phylum: Chordata Classis: Sauropsida Superordo: Dinosauria Ordo: Ornithischia Subordo: Marginocephalia Infraordo: Ceratopsia Familia: Ceratopsidae Subfamilia: Ceratopsinae Genus: Agujaceratops Lucas, Sullivan & Hunt (2006)
Species
A. mariscalensis

Elaf Agujaceratops (siämü „logod honedilabik di Aguja“) äbinon dinosaur grupa: Ceratopsia brefabüo pevotadadilädöl. Büo sevädik ön nem: Chasmosaurus mariscalensis, päbepenon fa el Lehman ün 1989, ab pedadilädon ini el genus nulik fa els Lucas, Sullivan e Hunt ün 2006. El Lehman kredom, das züamöp, kö älifon el Agujaceratops, äbinon ba maräd, klülädü pated sadotas. El Agujaceratops älifon finü Kretat (Campanian).

Tüv e bids

Ün 1938, dinosauratuvöps kil päsesebons, e fösils dinosauras grupa: Ceratopsida päkonletons fa hiel William Strain in legad: Big Bend National Park. Fösils at pästudon fa el Lehman pos yels za luldegs e pänemon Chasmosaurus mariscalensis, ab ettimo no ädabinon krana daülafa. Ün 1991 ye fösils pluik päkonleton in legad ot dü vestigatäv cifü hiel Paul Sereno. Diletam posik äkodon jafi ela genus nulik pro fösils at.

Ajugaceratops bid

• A. mariscalensis.

Dadiläd

El Agujaceratops sümon ad elafs Pentaceratops e Chasmosaurus. „Fridot“ brefik ona tikodükon, das luveratiko no äbinon büröletaf ela Pentaceratops. Älifon uto, kö nu topon tat: Täxasän in Lamerikän, dü fin Kretata (Campanian (Judithian)). Fösils onik pätuvons in fomam di Aguja.

Literat

• Dodson, P. 1996. The Horned Dinosaurs. Princeton, New Jersey: Princeton University. ISBN 0-691-05900-4.

Yüms plödik

• Dinosauralised ela DinoGeorge, keninükamü el Agujaceratops.
• Mäniot brefik ela Agujaceratops.
• Mäniot votik ela Agujaceratops.
• Elafs Archosauria di Texas, keninükamü el Chasmosaurus (anu el Agujaceratops).