Ralph Midgley
Cal(s): hipükavan[*]
Tatät(s): Regän Pebalöl

Hiel Ralph Midgley (Linglänapüko: [ɹæɫf ˈmɪʤli]) äbinom Guvan Volapükanefa (sekü dalebüd cifala Brian Bishop de 2006 yanul 1, nüm: 1). Sis yels plu 30 ejäfom me Volapük. Älautom tidodemis mödik Völapüka (vü kels: „Volapük pro alan“ e „Volapük jäfedik“, ed i famikün: „Volapük vifik“), äjafom eli “Flenef bevünetik Volapüka”, ed äpübom dü yels mödik gasedi: „Vög Volapüka“: gased atimik teik löliko papenöl in Volapük, kel epladulon „Sirkülapenädi“ büik oma. Äredakom eli “Vög Volapüka” jü novul yela: 2014. Jäfed lanälik oma emögükon pro pluamanum Volapükanas anuik studi e dalärni Volapüka. Lödom anu in Scunthorpe (Greta-Britän).

Äbinom guvan Volapükamufa sis yel: 2006. Id äbinom liman kadäma Volapüka de yel: 2007 (dönulifükam kadäma) jüesa 2015. Ün fin yela: 2015 äklemom calis valik okik pö Volapükamuf demü bäldot oka e fibikam logamafäga. Binom stimakadämal soga bevünetik Volapüka sis del balid dekula yela: 2015 ma dalebüd cifala: Hermann Philipps.

Yüms plödik redakön

In Volapük e Linglänapük: