Drachten binon vilag cifik komota: Smallingerland in provin Nedänik: Frisän. Labon belödanis za 44 800, e dabinons vobaplads za 22 000.

Drachten
Stän ela ,Drachten’
Stän ela ,Drachten’
Sköt ela ,Drachten’
Sköt ela ,Drachten’
Topam
Län: Nedän
Provin: Frisän
Komot: Smallingerland
Koordinats: 53°6'N, 6°6'E
Nüns cifik
Timatopäd: UTC+01:00[*]
Potakot: 9200–9207

 
Kobädikos  Ragivs tefü el ,Drachten’ in Kobädikos
Munädafotografot ela Drachten e topäda züik.
Munädafotografot ela Drachten e topäda züik.

Jenotem redakön

Drachten ädavedon ün tumyel 17id dub balam vilagilas: Noorder Drachten e Zuider Drachten, len flumedil: Drait ü Dracht. Topäd at äbinon liegik mö glunot; ad moveigön turbi de on pädagetöli ädavedon el Drachtster Compagnonsvaart. Poso ädavedons us i nafibumöps.

Do binon gretik (ma züot binon top pabelodöl balid provina: Frisän), el Drachten no duton lü „zifs degbal di Frisän“. Drachten neai ägeton zifagitätis, klu binon jenöfiko vilag, do sekü gretot, dustod topik e düns notidik suvo panemon zif.

Primü degyel 1950 vilag älabon belödanis za degmils. Ün 1950 päbumon us fabrik ela Philips; pos atos belödanef äpluikon vifiko.

Veig redakön

Drachten topon len leveg A7 vü Heerenveen e Groningen, e len N31 lüodü Leeuwarden. Binon vilag gretikün Nedäna, kel no peyümon ko votiks dub trenaveig (pläamü trens lü dustodatopäds, trämavegs e distrenavegs). Dinäds at bo ovotikons dub bum trenavega: Zuiderzeelijn, vü Schiphol e Groningen. Drachten labon lutapofili: Vliegveld Drachten, kel büo äleduton lü Philips.

Dustod redakön

Sis 1950 dabinon in Drachten fabrik kompenäta cinaleäktronik Nedänik: Philips, kö jeifians famik: Philishave pamekons. Fabrik äprimon ün 1950 labü vobans 14. Atimo vobons us mens telmil.

In Drachten topon i dustodatopäd gretikün Nolüda-Nedäna: Industrieterrein de Haven. Votaflanü Drachten, ve leveg: A7, pabumon dustodatopäd: A7. Dil balid päfinükon ün 2006; anu (ün 2007) voboy pö dil telid.

Kuliv e livüpadun redakön

Drachten labon teatöpi gretik ä nulädiki bali: de Lawei, ed i yunanaklubi: Iduna. Mused Smallingerland, in kleud bäldik topölo, jonon vobotis lekananas frisidik soäs Piet Pander e Sjoerd de Roos, Theo van Doesburg, blodef: Evert e Thijs Rinsema, e „dada“-lekanan Kurt Schwitters. Dabinon nog dil smalik ela Drachten, kel pädisinon ün 1921 fa el van Doesburg. Sekü köls fa om päbüdülöls, zifadil at panemon Papegaaienbuurt (Papaganiläd).

Drachten labon i svimaparadi vütropik, me mätedasvimöp lunotü mets 50, ed i spotöpis distöfik mödik votik. Drachten kompenon pö els skûtsjesilen (mäted sailabotas frisidik) me skûtjes (sailabots) twee: d'Halve Maen e Drachten.


Mens famik se Drachten redakön

Yüms plödik redakön

  Commons: Drachten – Kobädikos labon ragivis/magodis tefü