El Ö binon tonat degvelid lafaba Volapükik. No binon tonat latinik kösömik; in püks anik binon tonat nesekidik (a.s. in Svedänapük e Suomiyänapük), in püks votik binon fom tonata: O (a.s. in Deutänapük).

Miedaston ko tonat Ö, eli ,Österreich’ (Lösterän) magöl.
Lafab Volapüka
Aa Ää Bb Cc Dd Ee Ff
Gg Hh Ii Jj Kk Ll Mm
Nn Oo Öö Pp Rr Ss Tt
Uu Üü Vv Xx Yy Zz

Jenotem redakön

Gebs balid ela Ö äjenons in Deutänapük, as fom pävotüköl ela O medü tonat: e smalik su el O päpenöl. El e smalik at pianiko pävotükon ad lienils tel dü Zänoda-Timäd, e poso ad püns. Licini ot labon i tonat: Œ, kel pagebon in püks votik.

 
Foms fa el Schleyer pämoböls.

Ün degyel 1880, datuval Volapüka: hiel Johann Martin Schleyer ämobom fomis nulik pro tonats Ä, Ö ed Ü in Volapük: Ꞛ, Ꞝ ed Ꞟ. Mobs at ye no päzepons fa Kadäm Volapüka e no plu pägebons, igo fa datuval it.