Jakob Sprenger: Difference between revisions

106 bytes added ,  13:19, 2006 novul 4id
p
no edit summary
No edit summary
pNo edit summary
Hiel '''Jakob Sprenger''' (''Deutänapük'': {{LFB|ˈjaːkɔp ˈʃprɛŋər}}) pämotom tü del jölid mayula, yela 1872 tö zifil [[Speicher (Svedän)|Speicher]] in [[Jveizän]]. Pals omik äbinons feilans balugik. El Jakob äbinom cil mälid se gems vel: blods lul e sörs tel. Ävisitom pöpajuli di Speicher, ed äkömom ün yel 1887 ini gümnad tö zif [[Einsiedeln]] e [[Freiburg (Friburgän)|Freiburg]]. Pos fiduin studas okik us, ävisitom niveri tö Freiburg.
 
Äseivom [[Volapük]]i bäldotü lifayels degtel, ed älöfom dü lif lölik okik diali jönik valemapüka. Mot ela Jakob yunik iremof diledi fromada, keli in delagased pivilupon. Da papür äkanom lögön bükoti, ed ävilom sevön utosi, keli bükot ätefon. Sekü atos äkipom diledi fromada foi lok, ed äreidom täno ad süpäd okik notädi dö Volapük. Ätöbidom e fino äplöpom ad dalabön gramati Volapüka, ab at pädesumon ome e stud Volapüka päproibon, bi ämutom lärnön ettimo latini. Bäldotü yels degjöl äprimon as studan pö niver di Freiburg ad studön dönu Völapüki, ed äspikom us balidna dö (ä gönü) Volapük. Desin omik äbinon ad vedön gümnadaprofäsoran, ab mifät famülik äjenon. Fat omik äperom monemi, ed ad vitön badikünosi, el Jakob ämutom tuvön sunädo cali mesedi blünöli. Äsludom ad jäfön me bukädan ä büsidacif brodabüsida. Ab volakrig yela 1914 ävobädon lefaili büsida.
3,013

edits