Content deleted Content added
No edit summary |
|||
Lien 37:
P.P.: Koräkams pülik anik: no sagoy: ''obsa'', ab: ''obas''; no: ''kanövob'', ab: ''kanoböv''; no ''yeg'' (= Lingl. ''thing'', Deut. ''Sache'', ''Ding''), ab ''yeged'' (= Lingl. ''article'', Deut. ''Artikel'').
== Zifs in Trentino-Alto Adige (Litaliyän) ==
O flen löfik HannesM!
Elogob, das evotükol tiädis (padanemis) zifas anik se topäd Litaliyänik: Trentino-Alto Adige. No etuvob kodis atosa in bespikapads tefik, ni in jenotemalised; ab, bi evotükol nemi Litaliyänapükik ad ut Deutänapükik, jiniko edunol osi bi lödans Deutänapükik binons mödikums in zifs at, ka Litaliyänapükans.
Do no (nog) dabinons stabaliens calöfik pro zifanems in Vükiped Volapükik, jünu ai egebob sökölis:
* Pad labon as tiäd nemi zifa in pük(s) calöfik läna, kö topon.
* Nems votik (no calöfiks in län, kö topon zif) binons tiäds lüodükamas ("redirects") lü pad tiädü nem calöfik.
Ön jenet at: zifs at topons in Litaliyän, kö Litaliyänapük binon calöfik; sekü atos, padatiäds mutons binön nems Litaliyänapükik; nems Deutänapükik komons as lüodüköms.
Jenöfo, bi no ädabinons jünu kevobans votik in Vükiped, prinsips at neai pedöbatons. If vilol, kanobs bespikön i döbatön onis. (Blöfäd 1id: ya egebob prinsipis at in pads mödik, a.s. zifs Makedodäna, in kels lödons Lalbanänans, e r.; if prinsips at povotükons, omutobs koräkön padatiädis mödik.)
--[[Geban:132.229.244.110|132.229.244.110]] 14:09, 18 setul 2007 (UTC)
| |||