Content deleted Content added
No edit summary |
|||
Lien 20:
--[[Geban:Smeira|Smeira]] 14:49, 5 setul 2007 (UTC)
Glidis, o HannesM löfik!
Si, cifal dabinon: hiel [[Brian Reynold Bishop]], Linglänan se Kingston upon Thames. Kompenom i pö grup: Volapük (me gebananem latinik: Brennus Legranus, bi binom i jelodan latina atimik, ''Latinitas Viva'').
Tefü läns: binos go gudik ad primön ad penön yegedis dö läns vola. Ya dabinons yegeds mödik; epenob anikis, votikis epenom el Manie. Nomiko vilobs gebön [[Samafomot:Länataib|länataibi]] ko nüns tefik; logolös samo padi: [[Portugän]]. Pad at (soäs länapads ti valiks) labon te länataibi, nen vödem gudik. (Te in pads: [[Fransän]] e [[Cilän]] epenob vödemi, keli ekopiedob se pads tefik in Vükipeds Fransänapükik e Spanyänapükik.)
If vilol, kanol läükön länataibi pades, kels no nog labons oni; kanol i jafön padis nulik e läükön länataibi. Su pad olik tefü Sudän logob i fotografotis jönik; binosöv gudik ad läükön i fotografotis soik. If vilol läükön i dilädis nulik, u nünis kels no nog dabinons in länataib.
Küpälolös, das dabinons i klads pro läns (samo: [[:Klad:Läns]], [[:Kläd:Läns in Yurop]] e r.). Vilobs ai läükön kladis pades nulik (me <nowiki>'''[[Klad:Läns]]''' e '''[[Klad:Läns in XXXX]]'''</nowiki> lä fin yegeda). Logolös länapadis anik! So okanol suemön nemödikosi, kelosi ya edunobs. If labol tiketis u mobis nulik, sagolös, begö! obe. Pos redakam, jonolös obe padis nulik olik, dat okanob reidön e (if zesüdos) koräkön onis. (Kanol mäniotön onis is, su pad obik, u, if vilol, pladön onis ini [[:Klad:Yegeds menodabik]].).
Danö! pro yuf olik! Spelob, das okanol keblünön mödikosi Vükipede obas!
--[[Geban:Smeira|Smeira]] 14:32, 14 setul 2007 (UTC)
P.P.: Koräkams pülik anik: no sagoy: ''obsa'', ab: ''obas''; no: ''kanövob'', ab: ''kanoböv''; no ''yeg'' (= Lingl. ''thing'', Deut. ''Sache'', ''Ding''), ab ''yeged'' (= Lingl. ''article'', Deut. ''Artikel'').
| |||