Jakob Sprenger: Difference between revisions

Content deleted Content added
SmeiraBot (bespikkeblünots)
p Nemaspads Linglänapükik -> Nemaspads Volapükik
Smeira (bespikkeblünots)
pNo edit summary
Lien 1:
[[Magod:JakobSprenger.png|right|thumb|Jakob Sprenger]]
 
Hiel '''Jakob Sprenger''' (''Deutänapük'': {{LFB|ˈjaːkɔp ˈʃprɛŋər}}) pämotom tü del jölid mayula, yela 1872 tö zifil [[Speicher (Jveizän)|Speicher]] in [[Jveizän]]. Pals omik äbinons feilans balugik. El Jakob äbinom cil mälid se gems vel: blods lul e sörs tel. Ävisitom pöpajuli di Speicher, ed äkömom ün yel 1887 ini gümnad tö zif [[Einsiedeln]] e [[Freiburg (Friburgän)|Freiburg]]. Pos fiduin studas okik us, ävisitom niveri tö Freiburg.
 
Line 7 ⟶ 6:
Ün yel 1915, el Jakob äfünom, kobü anans flenas okik, eli "Lelivükamafed Bevünetik", ed äcalom as sekretan ona. Löf omik kol kemen ävobädon dasevi konömavasita, keli ätuvom ön mafäd gretik in sit ela Silvio Gesell. Äpropagidom lejoni at, kel steifon ad jenöfükön tiketis kritik. Pro disein at äneodoy ye kosädamedömi bevünetik, ed el Spengler äsludom, das Volapük päregistaron statudiko. Literat e propagid pro Lelivükamafed Bevünetik äbinons lejäf omik. Dakosäd ko limans no-Deutänapüki-spiköls pädunon medü Volapük.
 
Äbinom dü lunüp presidan Volapükafeda Jveizänik. Ägetom tidanadiplomis kil, ed ün 1929 päcälom ad [[kadäm Volapüka]]. Ad stöpön smalotülami fovik [[Volapükamuf]]a, el Jakob Sprenger äremom ün yel 1927 posbinoti literatik lölik ela [[Schleyer]], ko gitäts valik lü on dutöls. Äbalädikom ko [[cifal]] ettimik Volapükanefa: hiel [[Albert Sleumer]], ed ävisitom omi in zif Wienacht ün setul yela 1929 ko Dokan [[Arie de Jong]], kel irevidom Volapüki. Ün 1930 ädagetom de cifal: [[Albert Sleumer]] diplomi sekretana, ed i uti lecifa pro [[Jveizän]] (ma [[Volapükagased pro Nedänapükans]] yela 1932, nüm: 6, pad: 33).
 
Äbinom flen gretik ela [[Schleyer]], kel igo idesinom ad cälön omi fovani oka, ab desin at no päfölon. Äbinom ye [[cifal]] de 1948 jü 1950, ab sekü paopläg, kel ivedükon omi nefägiki ad fövön oni, äsludom ad lovegivön Cifalami söle [[Johann Schmidt]]. Ibinom cifal dü yels tel. El Jakob Sprenger ai äkälälom Volapüki, ed äkomipom nämöfiko pro dials ona. Äbinom komipan lanälik, voban nenfenik ä men stedälik.
Line 15 ⟶ 14:
* [[Reinhard Haupenthal|Haupenthal, Reinhard]]. 1982. ''Volapük-Bibliographie.'' Hildesheim, Zürich, New York: Georg Olms Verlag. (Päpüböl kobü dabükot nulik ela ''Volapük die Weltsprache'' ela Schleyer.)
* (Redakans). 1949. Lifajenäd brefik cifala: ‚Jakob Sprenger‛. Nüm: 4, Pads: 13-14, e Nüm: 5, Pads: 17-19. ([[oldwikisource:Lifajenäd brefik cifala: ‚Jakob Sprenger‛|Vödem rigädik]].)
 
 
[[Klad:Volapükans|Sprenger, Jakob]]