Kadäm Bevünetik Volapüka: Difference between revisions

Hiel Schleyer ämäniotom zesüdi ela ‘Völkersprachakademie’ (kadäm pükik bevünetik), kel ömuton kontrolön e pakön lotografi balik menefa, medü “Siunahap” (gased ettimik okik) ya ün mäzul yela 1878id pö notükam volalafaba okik. Pos daved Volapüka tikamagot at äjinon volfön in tikäl ela Schleyer (samo ün 1886, in yeged dö dinits Volapükanefa (pübot nümü 766 se gased setulik) äpenom dö kadämans ü “kademels” balmil foltum fütüriks, äsi dö senätans ü “senatels” tums). Ün yunul ela 1887 medü “Volapükabled” okik änotükom nomemi büfik kadäma, kel öbinädon me 1-ido) cifal, 2-ido) “pladal” (pladulan) cifala (cal at sümon ad vicifal nutimik), 3-ido) “senatels” (senätans) 100, 4-ido) “kademels” (poso “kademans”, nu “kadämans”) anik (balan pro mens balion neta alik). Cals “kademala” (“kadämal”, balan pro mens degbalion neta seimik ü pro degans kadämanas) e “kademana” (kadäman spodöl) pälonöfükons latikumo, sevabo dü kongred di ‘München’.

 

 

Primo kadäm äbinon komitetanef pladätemik, kel äbinädon me cif: [[cifal]] it (el Schleyer), e dilekan: hiel [[Auguste Kerckhoffs]]: Volapükan gretik Fransänik. Jäfüdans 17 (ma nüns dilekanas) se läns 12 pävälons (u päcälodons fa cifal) ''kademals'' (kadämals, sevabo kadämans löpik), e pälonon väl ''kademelas'' (kadämanas komunik) e ''kademanas'' (kadämanas spodöl). El Schleyer äbaivögom ko el Kerckhoffs, das noganükam in ‘München’ pizepöl pölecedon as büfik, e das dö laidulükam (u votükam) binoda kadäma ösludoy dü kongred bevünetik ösököl (kel öjenon in ‘Paris’ ün 1889). Zuo el Kerckhoffs ägetom de Schleyer däli ad läükön lü num kadämalas 17 nog pösodis votik 7 (ma nüns dilekanas) fa ok pövälölis. Jäfidot kadäma äbinon sirkülapenäd dilekana (''Zülags''), e läo i gased, keli äpübom el Kerckhoffs it: ''Le Volapük''.

* List of Members of the International Academy of the Universal Language from its foundation August 9, 1887, to April, 1903 // Dictionary of the Neutral Language (Idiom neutral) / M. A. F. Holmes. — Rochester, N. Y., 1903. — P. 294–298.

* Sleumer Albert. Jenöfots Volapüki teföls // Volapükagased pro Nedänapükans. — 1934. — Nüm: 2. — Pads: 10, 11. — (Büad cifala de 1934, yanul, 1 ; diläd: V).

* Statutes of the International Academy of the Universal Language. Enacted 19–21 August, 1889, by the International Congress of Volapükists in Paris / transl. by M. A. F. Holmes // Dictionary of the Neutral Language (Idiom neutral) / M. A. F. Holmes. — Rochester, N. Y., 1903. — P. 299–300.

* Дрезен.