Suvo palesagos, das Volapük rigik ela [[Johann Martin Schleyer|Schleyer]] pärevidon calöfiko te fa el de Jong, ibä revidamobs votik (fa, vü votikans, el [[Auguste Kerckhoffs|Kerckhoffs]], el [[Waldemar Rosenberger|Rosenberger]] e r.) neai päzepons fa cifal balid ä datuval Volapüka. No sötoy ye glömön, das votükams ömik, kels nu dutons lü Volapük nulik, pämobons fa mens votik, vü kels el Schleyer it, kel ya ün XXXX älecedom pötiki, samo, ad nüdugön tonati „r“ pla tonat „l“ in vöds mödik (a.s. el „gretik“ pla el „gletik“). I vöd „Fransän“, pla el „Flent“, ya pimobon fa el Schleyer bü revidavobod ela de Jong.
