Content deleted Content added
No edit summary |
|||
Lien 11:
Vilol-li keblünön? Lifö! Dabinons is keblünans vemo nemödiks!... Yegedis kinik vilol-li lautön? Tefü kis? If kanob yufön ole, sagolös, begö! obe... --[[Geban:Smeira|Smeira]] 15:42, 4 setul 2007 (UTC)
Benö! Lärnol Volapüki me tidabuk vemo gudik. Sekü atos, penob ole anu te in Volapük. (If dabinons nog vöds, kelis no sevol u no suemol, kanol säkön obe, u sukön in vödabuks su bevüresod...)
Nitedälol-li dö pükav e stelav? Binob pükavan (in Niver di Leiden, in Nedän), e nitedälob vemo i dö stelav. Ya epenob (= etradutob se Vükiped Linglänapükik) yegedis anik dö stels nilü Solasit; ekö! lised onas: [[:Klad:Stels]]. Pö tradutam yegedas at, ädotob, soäsä esagol, dö mod gudikün ad tradutön vödis nolavik: ''declinatio''? ''magnitudo''?... Mekavapüks soäs Sperantapük e Volapük ai labons säkädi at: vöds vemo mödiks dabinons in jäfüds valik: nolav, filosop, lekans..., kels no labons tradutodi "calöfik". Suvo ädöbatob mögis ko Volapükans votik, ledino in Volapükalised in el Yahoo groups. (Sevol-li eli Ralph Midgley: lautan tidodema: [http://personal.southern.edu/~caviness/Volapuk/VolVifik/volvif00.html Volapük Vifik]? Binom anu Guvan Volapükanefa (sekü [[oldwikisource:Dalebüd Cifala de 2006, Yanul 1, Nüm: 1|Dalebüd Cifala de 2006, Yanul 1, Nüm: 1]]); binom i Volapükan vemo gudik, e ai yufom vifiko e gudiko Volapükanis valik).
If vilol, kanol reidön tradutodis obik pro vöds stelavik in yegeds dö stels. If kanol datikön tradutodis gudikum, u if labol mobis ad votükön bosi, kanobs bespikön vali, ed i votükön yegedis tefik. (Nomiko vöds nulik mutons padöbatön e pazepön fa Kadäm Volapüka; plagiko, atos sinifon, das mutoy sedön mobis Volapükalisede (in el Yahoo groups) e begön cedis Kadämaas: Ralph Midgley, Cifal: Brian Bishop, Vicifal: Donald Gasper, e kompenans votik. No binos fikulik.)
--[[Geban:Smeira|Smeira]] 14:49, 5 setul 2007 (UTC)
| |||