Edgar de Wahl: Difference between revisions

Hiel '''Edgar Alexis Robert de Wahl''' u '''von Wahl''' (pämotöl [[1867]] [[gustul 23]] in [[Olviopol]] (Lampörän Rusänik), ädeadöl [[1948]] [[mäzul 9]] in [[Tallinn]] (Balatam Sovyätik)) äbinom tidan, matematan e pükavan [[Lestiyän|Lestiyänik]] tribüta BaltikaBaltik-Deutänik, pesevik demü pük pedatiköl fa om, sevabo el [[Interlingue]].

Primiko el Von Wahl äbinom [[Volapük|Volapükan]]. Latikumo äbinom bal gebanas balid [[Sperantapük|Sperantapüka]], ab pos yels mödik älüvom Sperantamufi e äprimom ad bevobön yufapüki okik. Ün yel 1922 äpübom 'kiki' ad pük at, penemöl el 'Occidental' e pestaböl su [[püks Lindika-Yulopik]]. Äpübom i nümi balid gaseda 'Kosmoglott' (latikum 'Cosmoglotta'). Bü [[Volakrig telid]] el Occidental äbinon sekaliegik, ab demü krig gebanef ädädikon e plöp püka päropon. Pos deadam ela Von Wahl nem püka päcenon ad 'Interlingue', ab demü bitikam yufapüka nulik, ela [[Interlingua]], äperon veüti.