Püthagoras: Difference between revisions

Hiel '''Püthagoras se Samos''' (''Grikänapüko:'' '''Πυθαγόρας'''; pämotöl vü 580 e 572 b.K. - ädeadöl vü 500 e 490 b.K.) äbinom [[matematan]] ä [[filosopan]] vöna-[[Grikän]]ik, <ref>Ma hiel [[Diogenes Laertius]], „El Püthagoras äbinom balidan, kel ädatuvon vödi: ''[[filosop]]'' ed änemon oki filosopani“ (Φιλοσοφίαν δὲ πρῶτος ὠνόμασε Πυθαγόρας καὶ ἑαυτὸν φιλόσοφον: ''Lifüps filosopanas'' [http://classicpersuasion.org/pw/diogenes/dlintro.htm 1.12] ([http://www.mikrosapoplous.gr/dl/dl01.html#thales Grikänapük]).</ref> äsi jafan mufa relik labü nem: [[pütagorim]]. Suvo pastudinom as matematan gretik, müsteran ä nolavan; anans ye edöbatabükons veüti keblünotas omik matemate e natafilosope.<ref>[[Walter Burkert]]'s lebuk: ''Lore and Science in Ancient Pythagoreanism'' („Nol e Nolav Pütagorima Vönik“; l. literati) eblinon dotis ömik demü vönaoloveikods valemik Grikäna Klatädik, nen vestig pizepöls jü prim tumyela 20id, ma kels el Püthagoras ikeblünom mödikosi matemate e nolave.</ref> Hiel [[Herodotos]] äbepenom omi as „filosopan skilikün bevü Grikänans“.<ref>Herodotus, iv. 95.</ref> Nem omik jiniko äyümon omi lü el [[Apollo]] jiela [[Püthia]]; hiel [[Aristippus]] äplänom nemi omik soiko: „äsagom (''agor-'') verati no läs, kas Püthia (''Pyth-'')“, e hiel [[Iamblichus]] äpenom dö konot, ma kel jiel Püthia ibüosagof, das mot grodik oma ömotof mani levemo jöniki, sapiki, ä frutiki menefe.<ref>Riedweg 2005, pads: 5-6, 59, 73.</ref>