Opabinia: Difference between revisions

Content deleted Content added
Smeira (bespikkeblünots)
Smeira (bespikkeblünots)
pNo edit summary
Lien 18:
Elaf '''''Opabinia''''' äbinon nim edadeadöl vemo nekösömik petuvöl in fösilöps prima Kambrida. Bid teik ona: '''''Opabinia regalis''''', pasevon dub fösilabeds te bal: slet zänodakambridik di Burgess se el British Columbia ([[Kanadän]]). Tüvan ona: hiel Charles Doolittle Walcott änemom oni stabü nem bela topik: el Opabin Peak in Belem Klifagik Kanadänik.
 
Nim at älabon koapi dilagik lunotü zimmets za zülsjöls, ed i plödabomemi müdik. Kap älabon logis jäfidik lul, kelis äkanons givön gebane onsik logamafeli labü te 360°, e probodi lunik ä flegoviki, kel tefü binod jiniko no kanon paleigodön ko koapadils lifafomas valik nog dabinölas. Len finot proboda äbinons stigs, demü kels teorod pemobon, das pägebons as gleipäms ad fanön fidi (luveratiko nimis smalik). Ämutons dugön fidi lü mud, kel ätopon dis kap, po stab proboda.
 
Koapadil anik älabon numi cielas e päri lenlagotas kläpafomik, kels sümons ad uts nima nonik timäda at (pläamü elaf ''Anomalocaris''). Lenlagotas lätik kil äfomons göbi. Distü näsäks ed artropodafs votik, kap jiniko no binädon me koapadils pibalöl. Koap jiniko pätegon fa koan müdik, flegovik ä no äkalsiniköl, nen yoins vü dils. El ''Opabinia'' no labon röletafis sevädik, bo pläamü elaf ''Anomalocaris''.