Fomam dätü 13:53, 2007 yanul 4id redakön Smeira (bespik • keblünots) 35,345 edits No edit summary ← Dif büik		Fomam dätü 14:23, 2007 yanul 4id redakön sädunön Smeira (bespik • keblünots) 35,345 edits No edit summary Dif sököl →
Lien 20: Nim at älabon koapi dilagik ed i plödabomemi müdik. Kap älabon logis jäfidik lul, kelis äkanons givön gebane onsik logamafeli labü te 360°, e probodi lunik ä flegoviki, kel tefü binod jiniko no kanon paleigodön ko koapadils lifafomas valik nog dabinölas. Len finot proboda äbinons stigs, demü kels teorod pemobon, das pägebons as gleipäms ad fanön fidi (luveratiko nimis smalik). Ämutons dugön fidi lü mud, kel ätopon dis kap, po stab proboda. Koapadil anik älabon numi cielas e päri lenlagotas kläpafomik, kels sümons ad uts nima nonik timäda at (pläamü elelaf ''Anomalocaris''). Lenlagotas lätik kil äfomons göbi. Distü näsäks ed artropodafs votik, kap jiniko no binädon me koapadils pibalöl. Koap jiniko pätegon fa koan müdik, flegovik ä no äkalsiniköl, nen yoins vü dils. El ''Opabinia'' no labon röletafis sevädik, bo pläamü elelaf ''Anomalocaris''. Lecedoy, das el ''Opabinia'' älifon su sadot müdik melalestaba, do mögos, das äkanon lüsvimön lü fid okik me koapalenlagots oka. Su lestab, probod onik äkanon ba daivön ini hogs ad sukön vumis; u ba äjonidon ad löpiomufilön sadoti, fidi äsukölo. If äbinos so, tän el ''Opabinia'' luveratiko ägeflegon probodi ad blinön fidi lü mud okik, su disaflan kapa okik. Do el ''Opabinia'' binon limaf tefädo nesuvik nimemas Kambridik, labon veüti jenavik bi äbinon bal nimas veräto nekösömikas balidas, kel pästudons e päbepenons lölöfiko dü revid bepenamas büik sleta di Burgess ün yels 1970. Hiel Harry Blackmore Whittington äjonon nendoto, das nim at, büo as artropodaf pibepenöl, no äkanon binön artropodaf: jënofiko, äduton lü el phylum nonik sevädik. Kobü artropodafs balik süpädüköl tel: ''Marrella'' e ''Yohoia'', kels pibepenons büo, el ''Opabinia'' äblöfon, das nimems müdakoapik sleta di Burgess äbinon vemo komplitikum ä distöfikum, kas valans itikons. Hiel Simon Conway Morris äduinom vestigis pluik ad leigodön koapabinodi elafas ''Opabinia'' ed ''Anomalocaris''. Jinos, das klülädü süm koapadilas, lenlagotas kläpafomik, e göbas, el ''Anomalocaris'' äbinon röletaf ela ''Opabinia''. == Literat == * Gould, Stephen Jay. 1990. ''Wonderful life: the Burgess shale and the nature of history.'' London, New York: W. W. Norton & Company, Inc. * Morris, Simon Conway. 1998. ''The crucible of creation: The Burgess shale and the rise of animals.'' Oxford: Oxford University Press. == Yüm plödik == * [http://www.nmnh.si.edu/paleo/shale/popabin.htm Resodatopäd Stitoda Smithsonian]], labü fotografot magods ela ''Opabinia'' e fotografot fösila ona. (I se Smithsonian, [http://www.nmnh.si.edu/paleo/shale/pamsci.htm pats votik tefü slet di Burgess] [[Category:Fösils]] [[Category:Nims rujenavik]] [[en:Opabinia]] [[fr:Opabinia]] [[ja:オパビニア]] [[nl:Opabinia]] [[pl:Opabinia]]

Opabinia: Difference between revisions