John Milton: Difference between revisions

Content deleted Content added
p Bot: Yüm yegeda gudik tefü es:John Milton
Smeira (bespikkeblünots)
No edit summary
Lien 1:
[[Magod:John Milton - Project Gutenberg eText 13619.jpg|200px|thumb|right|Hiel John Milton.]]
Hiel '''John Milton''' (1608 dekul 9 - 1674 novul 8) äbinom [[poedan]], döbatan ä sifadünan Linglänik. Vemo sevädik sekü [[poedot]] [[lepikkonapoedot]] oka: ''[[Paradise Lost]]'' (= Parad peperöl), el Milton pazälom i sekü penot okik ta sänsur: el ''[[Areopagitica]]''. Lunüpo pälecedöl poedan Linglänik süperikün, el Milton pätatakom fa hiels [[T. S. Eliot]] e [[F. R. Leavis]] zänodü tumyel 20id ed äperom dili popedi oka; ab ibä dabinons sogs e gaseds nolaviks mödiks pededietöls stude vobotema omik, benorepüt ela Milton blebon so namöfik anu, ün tumyel 21id, äs ün paset.
 
Pos deadam oka - e jü atim - el Milton ävedom yegädi lifajenädipenans paletik, kelos äfümedon cedi ela T. S. Eliot, das „lautots poedana votik nonik kanon so fikuliko palelogön teiko as poed, nes leceds godavik u bolitiks obsiks (...) nügolons taloniko.“<ref>1947. "Annual Lecture on a Master Mind: Milton", in: ''Proceedings of the British Academy'' toum: 33, pad: 63.</ref> Ceds bolitik repüblikik e kred relik häretik, kobo ko „mekavöf“ sonemik poeda latinöfik fikulik oma, äfagükons eli Milton de reidans äs el Eliot. Too flun legretik poeda e pösodöfa omikas in menäds fovik (pato in muf [[romatim]]ik) tikodükons, das man fa hiel [[Samuel Johnson]] pälecedöl as „repüblikan bietälik ä grobälik“ mutom palelogön balan lautanas e tikanas veütikün jenotema lölik.